- 閱讀權限
- 50
- 最後登錄
- 23-9-12
- 精華
- 0
- UID
- 1125402
- 帖子
- 2411
- 積分
- 3056
- 註冊時間
- 08-8-4
- 在線時間
- 985 小時
- UID
- 1125402
- 帖子
- 2411
- 積分
- 3056
- Good
- 91
- 註冊時間
- 08-8-4
- 在線時間
- 985 小時
|
呢篇係我N年先發一次既認真POST@@ 入面D圖用小畫家畫, 係醜樣D, 唔好凸我@Q@
====================================================================
由於近期留意到, 打尼可的戰績並不理想, 而且有時候甚至乎有點強差人意, 所以開左呢個POST講解及討論一下
由於更新之後, 會有國王介入, 城位可分3種, 以下會再逐一講解
P.S.由於
第一種情況 - 無國王介入及國王介入右上的據點
或
通常一開始交峰地點多數會係呢個位, 所以無論如何一定要先壓D4, 可能有人會覺得, 點解唔直接壓D3水位呢? 以前同C團多次交峰時我發現, 壓水位有一個非常弊既地方, 以下圖解
以上圖所見, 如果我地壓D3水位, 但敵人壓D4既時候, 敵人可以將部隊分半分別到D3及D4前後包圍將我方夾殺, 所以一開始請不要壓落D3水度, 而係由D4推進, 其後再利用偷塔等再戰線慢慢往左上移向
建築方面大致上如下圖
橙圈範圍為可擴方尖塔既範圍, 若超出範圍外既地方請用侵塔, AT陣如圖中所示佈致防守
在中段時, 我軍應該主動將戰線分兩區進行, 第一戰線為C3-D3, 第二戰線為G4-G5, 第二戰線G5壓制係非常重要, 因為塔攻防原則, 只要將敵人壓制G5, 咁敵人亦無辦法去到E7果邊偷塔
另外, 係呢度提醒一樣必需提防既特殊情況, 又係一樣, 先俾圖大家睇下
可能圖方面小畫家畫得比較樣衰大家會睇唔明, 三角形係侵塔, 正方形係牆, 一條國血以後必需經常留意大地圖呢度附近有冇起侵既跡象, 因為敵人可以藉由兩個侵塔一部牆, 將QML既行走路線縮短至3格, 所以騎士必需多多留意敵人擴建動向作評估
================================================================================
第二種情況 - 國王介入正中央
通常第一次衝突會係E4
呢度要留意番一個重點, 無論壓贏又好壓輸又好, 只可以定留在E4或退至E5, 絕對唔可以壓前, 有人可能唔明點解, 其實道理同上一個城位首次壓城既情況近似, 以下圖解
一旦戰線位置超過左E4去到E3的話, 退後既敵軍同重生既敵軍, 會形成包圍陣勢, 我方將會死傷慘重, 所以一定要避免因戀戰而過度向前, E3係對攻方非常不利既一個地點
係呢度需要提出另外一點, 當城位係中間果時, 以上係普通人會進攻既地方, 但係更應留意既係, 應該分一半人去搶下方G4水晶, G4水晶係宣中央城位時一個可以影響勝敗既關鍵點, 因為守方主水乾左之後, 最近既水就要去到G4, 先發制人封左G4水位, 守方在中段就會被迫將戰線集中係G4, 咁上方及後方擴建就會安全好多, 唔需要擔心會有大批敵人進攻, 咁所以, 係第一次進攻的同時, 應該分一個小隊去下方G4位進行AT化防守, 並且係第一次衝突後, 即第一次重生後, 分一半人手壓制G4, 相信如果守方唔係盲目壓線的話, 當眼見G4人數急增既時候, 必然會分人去搶G4, 所以不需要過份擔心分配人手到G4會造成中路壓線不足, 相反可以賺取敵方因支援而趕路既行走時間
所以除左第一次壓線之外, 戰場的重點行軍路線如下
將戰線推移至C4及G4, 令敵人戰場轉移至呢兩點, 同時鎖敵軍偷塔小隊的路徑, 中間大致上放棄, 同時如果守方有意識的話亦唔會再衝中路, 因為攻方城位中央, 守方需要攻右邊一帶去降低敵人佔領度, 保持佢地佔領度上唔會輸太多, 所以係中段, 基本上就算我地唔衝中, 守方自己本身亦都唔可以衝E4壓城, 可以不用太擔心中路盡失
此城位注意既重點, 其實應該好多人都知道, 就係QML非常容易, 我自己親身體驗, 只要有死靈開黑有步兵壓線, 即使攻方有兩騎, QML仍然可以留有1/3血衝到攻方主城自爆, 因此, 在一條國血以後, 我地一定要爆騎, 騎士數量要維持不少於5隻, 而且必須留意大地圖守方既召喚獸動向, 一見到行動緩慢既星星, 請立即過去招呼佢, 兩騎巡城, 其他騎巡邏D4-F5位置封鎖QML行走路線
擴建如下圖
================================================================================
第三種情況 - 國王介入右下
首先, 必須強調既係, 宣到呢個城位既人, 請切腹:- -|||: 我實在諗唔到國王宣呢個位有咩好處:- -|||:
不過既然宣左, 就要盡力打, 首先第一次交戰既地點如下圖
呢個位除左係第一次交戰, 亦都可以講係長期交戰既位, 因為實在太腦殘, 所以通常黎講攻守雙方好多人都會乜都唔理就咁就跳落去F5然後開片
但我地必須留心一點, 以下先睇圖
上圖為攻守雙方既安全擴建範圍, 由上圖可以睇到, 守方既擴建範圍比攻方多好多, 所以在中段雙方擴建得咁上下果陣, 我地就要分兩個小隊去上路偷塔
如圖所示, 十個隊友的偷塔路線大概係咁樣, 一路防守敵人想去右上偷塔既小隊, 一路往左上推進偷塔, 其中紅X部份正路黎講都會有敵方尖塔可拆, 沿路必須清除
擴建如下圖
注意呢個位既重點係壓線既戰力同偷塔速度, 因為可擴既地方真係好少, 輸擴幾乎係一定, 必須要靠拆塔去換取敵人國血
如果宣左呢個位, 請祈禱對面是一班傻仔, 盡情咒罵國王, 用力將宣場果個人既JJ磨碎, 再剪皮拆骨, 再拎去浸酒...下刪數百字:- -|||:
================================================================================
本來呢篇野整左兩粒鐘放左係團網only, 而家紫國新手多, 放出來呢邊睇下, 不過內容未必全對, 當作參考就好了 囧 (掩臉跑走...
[ 本帖最後由 由莉菲亞 於 2009-8-25 07:04 PM 編輯 ] |
-
總評分:
威望 + 15
Good + 6
查看全部評分
|
發表於 09-8-25 06:41 PM
發表於 09-8-25 07:32 PM
