MHF各類知識/入門

紫

控區權
系統設定上,所有大型怪物(或BOSS)既傷害資料同埋動作會交由其中一位玩家負責,然後再將資料傳送比2號,3號,4號玩家
而呢位玩家就係第一位進入該區既玩家,假設呢位玩家離開BOSS地圖,資料將會交由第2位進入該區既玩家負責處理
如果某D任務一開始就一齊出現係該boss區域既話(紅黑,祖龍之類),就會交由開任務既玩家負責,如果隊長瓜左柴或者回家玉既話,其次係交由接第2個接任務既玩家負責.如此類推.
明白控區權有咩用?
假設1號玩家首先進場取得控區權,但係佢delay情況嚴重,
＊2號玩家掉閃光玉,係2號玩家畫面之中打中左,但因為delay問題,實際上1號玩家畫面中既怪一早已經拎轉面無閃中
＊3號玩家放麻穴,1號玩家既晝面見到隻怪中左麻穴,但因為delay傳送資料慢,3號玩家會見到隻怪撞埋黎越過左過麻穴,仲比隻怪撞飛左,之後先接收到資料隻怪中左麻穴,
然後就會見到隻怪閃返轉頭中麻穴既奇景喇.
＊4號玩家掉麻玉捉怪,但1號玩家畫面中既怪已經離開左麻穴,慢左幾拍先將"離開麻穴"既資料傳送比2~4號玩家,所以4號玩家明明掉中2粒麻玉都捉唔到怪,原因係隻怪一早已經係玩家1既畫面離開左,

所以控區權要任由某D玩家負責
＊道具流玩家　放閃火玉/麻穴/音爆
＊需要精確命中怪物弱點/鎖怪玩家(鎚打頭之類
＊連線質素有咁上下保證既玩家
-------------------------------------------------
＊連線品質一般玩家唔好衝動做第一
＊笛玩家唔好控區(指演湊派笛玩家)

另外,自己既傷害係由自己處理,然後再將資料傳送比另外3個玩家
所以有時見到人地比火球炸中左都無事,但係實際上,佢既晝面其實避開左個火球.

想測試1號玩家(控區玩家) delay既方法,可以踢佢一下,佢比你踢中有反應,代表佢將資料傳送比你.
將佢比反應你既時間減半就係大約既delay時間.


公式狩獵大會
可以比較自己同埋其他同server玩家既成績,分個人同團體(獵團)名義参賽.每次時間約為3日
＊韋太天杯: 鬥快討伐某隻怪物. 每次都會指定怪物. 11種武器獨立計算時間.
＊獵團對抗韋太天杯: 鬥快完成指定任務, 通常要做幾件麻煩事.
＊巨大魚杯: 約魚SIZE 鬥大（.........
奬品係奬杯(傢私),同埋"狩人祭"你果組既魂既數目
每一鋪全SERVER 頭十大會列出黎.
狩人祭
登記用一星期>打用一星期>派報酬用一星期>之後果個空白既星期通常會係"公式狩獵大會", 再下一個星期係登記...
將全個SERVER有登記既獵團隨機分成紅組同藍組
官方會公佈一個LIST,完成上面講既指定項目會有魂(分數),
去狩人祭NPC度入魂,D魂數就會加落你果組度.
目的係紅組同藍組鬥高分
每邊最高分果100個獵團名會列出黎.
輸緊果隊有隱藏既BOUNS任務,輕鬆入手大量魂數,可以輕鬆反超前
奬品係
1. 未來一個禮拜可以用狩魂劵打勝組任務. 輸左果隊無得打, 勝組任務既報酬可以整特定武防
2. 多D 狩魂劵 (整武防)
3. 多D 狩魂POINT (換道具)
狩魂POINT 既多少係跟據你獵團既人打既魂再平分,所以手淫祭記得多D上線手淫喇...更正係狩魂喇!


農場
每完成一個任務都可以用一次, 每次可以選一樣用, 可入手道具種類為:
撤水: 植物類
掃除: 骨, 採取物
燒肉: 熟肉類
採掘: 石類
採蟲: 蟲類
變化壺: 交換道具
掘出物: 雜類
係傢私鋪用素材買傢私有印仔, 然後係傢私鋪選用印仔買野, 就可以用印仔幫農場升級 (掘出物唔使升級, HR升佢自然會升級),
升級之後, 要係傢私鋪俾錢買LUCKY 工具先會有靚野出, 買一次LUCKY 道具可以用5次, 用完要再買
推介升級掘石同捉虫, 因為有靚石  靚虫,捉虫無買LUCKY都有蜜糖派
農場效率極低, 如果急住要虫同埋石, 強烈建議自己帶把鋤去樹海採取 / 火山掘

剛力珠(1洞, 攻+3, 達人+2, 底力+2)
剛力珠係傢私比賽60000分~79999分既奬品
傢私比賽係去傢私鋪買傢私, 放D 傢私出黎, 之後係傢私鋪用印仔參賽,
參賽後會沒收晒你所有傢私, 之後係屋企既留言版CHECK 分數,之後去傢私鋪拎奬品
獎品係4份裡面隨機抽一份出黎, 屋企個箱要有空位先可以領取(4份之中,有2份出剛力珠,另外2份出剛體珠)
分數同美觀度無關, 只係睇你放左咩傢私出黎(即係話是但放亂咁放都得,重點係"種類")
60000分組合可以參考以下"推介傢私組合", 最平既3萬蚊一次 (用大量龍骨中), 如果唔想用素材, 最平可以7萬蚊一次
如果你將傢私組合登記左, 可以一次過收起同放出黎, 好方便
參賽之後你個箱裡面仲有一SET 一模一樣既傢私組合既話,
可以立即放返個組合出黎, 唔使一件件咁慢慢拉D傢私出黎 (玩過你會明我講乜)
如果參加完大會你個箱無一SET額外傢私, 個登記會失效
唔夠印仔參賽可以洗, "果物籠(小)"既材料可以直接買,買完材料之後用材料黎整果物籠就可以獲得印仔,之後將D果物籠賣哂佢再買材料整.有錢無材料既方法是也.
暫時只有日服資料,將就下.



[ 本帖最後由 紫　 於 09-12-4 12:49 PM 編輯 ]

紫

攻擊力計算公式
＠基本武器倍率攻撃力 ÷ (大剣/太刀：4.8)　(片手剣/双剣：1.4)　(鎚/狩猟笛：5.2) (槍/銃槍：2.3)　(弩/弓：1.2)
           　　　

@武器倍率 =（＠基本武器倍率＋力之護符＋力之爪＋(貓事或便檔或鬼人薬)＋(鬼人笛或怪力種)＋攻撃力UP技能(攻小,攻中,攻大) X 底力 X 旋律効果 X @武器補正
最終傷害=（物理傷害＋属性傷害）× 全体防御率 × 怪物憤怒修正× 狀態傷害修正

@武器補正
大劍(直斬48/橫斬36/後斬46/lv.1儲勁 65x100%/lv.2儲勁80x100%/lv.3儲勁110x130%)
太刀(踏前斬33/橫斬28/下斬30/刺20/上斬23/氣刃16)
片手(跳斬16/下斬11/劍&盾擊8+12/回轉斬25/上斬15/防禦時斬擊14)
雙刀(踏前斬12+6/下斬一18/下斬二10+8/下斬三6+12+18/左/右回轉斬15+10+6/上斬19)
鎚(直打一52/直打二15/向上打100/橫打15/回轉開始20/回轉中10x5/儲勁一45/儲勁二45+35/儲勁三20+76)
鎚-氣絕值-(直打一15/直打二15/向上打48/橫打15/回轉開始0/回轉中5x0/儲勁一15/儲勁二15+15/儲勁三15+48)
笛(大地一擊15+48/左/右打31/笛尾撞擊12/演奏開始22/演奏一43/演奏二38/演奏三41/演奏終了26)
笛-氣絕值-(大地一擊5+20/左/右打15/笛尾撞擊0/演奏開始20/演奏一43/演奏二20/演奏三20/演奏終了26)
槍(一段刺23/二段刺23/三段刺30/上刺一28/上刺二28/上刺三30/突進中20 xN/突進攻擊40/防禦中攻擊20)
銃槍((踏前刺34/一段刺21/二段刺21/三段刺38/上刺一24/上刺二24/上刺三24/上斬30)

①近接武器
物理傷害 = @武器倍率 × 動作倍率 × 斬味倍率＊物理斬味倍率（紅0.5/橙0.75/黃1.0/綠1.125/藍1.25/白1.4/紫1.5)× 武器命中狀況修正 × 肉質 × @武器補正 × 会心 (1.25 or 0.75)　
属性傷害 = 属性値 × 斬味倍率 (紅0.25/橙0.5/黃0.75/綠1.0/藍1.0625/白1.125/紫1.15) × 肉質　
＊槍/統槍:傷害計算為"切斷"或"打擊" 較高既一方
＊銃槍砲擊:橙色以下炮擊攻擊力為火属性値 x 0.75 倍
＊鎚/笛 暈眩值唔受攻擊力影響, 攻擊命中頭部便會有該攻擊動作固定既暈眩值累積
＊暈眩值累積 = 動作暈眩值 × 頭部肉質

②弩
物理傷害 = @武器倍率×子彈攻擊力×距離修正×彈藥技能補正×肉質×武器補正× 会心(1.25 or 0.75)
属性傷害 = 彈藥属性値 ×肉質
特殊狀態累積 = 彈藥屬性值
固定傷害 = 固定
＊速射彈每發傷害1/2
＊屬性彈攻擊力同距離無關,超遠距離射火炎彈/毒2/麻2彈都會扣好多,其他彈只會扣1
＊最有效範圍: (散彈:中距離)(通常彈:近~中距離)(貫通彈:中~遠距離)
＊通常彈 LV3 係跳彈,命中兩次以上攻擊力先會比LV2高
＊貓農場好多空心骨,射擴2既請自己去農場洗或者同人地複製


③弓
物理傷害 = @武器倍率×弓矢基本傷害×儲力修正(1階段0.4 / 2階段1.0 / 3階段1.5 / 4階段1.5)×距離修正×強擊瓶×技能補正×肉質×武器補正× 会心(1.25 or 0.75)
属性傷害 = 属性値×儲力修正(1階段0.5 / 2階段0.75 / 3階段1.0 / 4階段1.25) ×肉質
＊弓箭斬擊傷害計算為"切斷"或"打擊" 較高既一方
＊狀態異常瓶以儲力1段階射出, 屬性值減半．剛種武器屬性值1.5倍.
＊麻, 眠儲力修正: 1段階: 0.5 / 2段階: 1.0 / 3段階: 1.0 / 4段階:1.0
＊毒儲力修正: 1段階: 0.5 / 2段階: 1.0 / 3段階: 1.5 / 4段階:1.5
＊以下項目都會影響攻擊力: 物攻 / 屬攻, 儲力段數, 弓箭種類, 弓箭LV
＊最有效範圍 / 作用: (擴散: 近距離,爆屬性),(連射:中距離, 集中攻撃弱點),(貫通: 中~遠距離,貫大型魔物的肚/背/旗)
＊箭LV越高, 攻擊力越高, 一次射出箭數 / HIT數上升
＊強擊瓶會令實際物理傷害x1.5, 對屬攻無影響
＊麻瓶 / 眠瓶要儲力儲到最高段數先射, 儲力LV1 射效果半減
＊麻瓶 / 眠瓶效果同距離無關, 但同HIT數有關, 理論上儲力LV2以上近距離擴散 (5支箭)係最好, 雖然貫LV3 有6HIT, 但係6HIT中得晒咩?


防禦力計算公式
防禦率 = 1 - {   防禦力既一半 ÷ (  防禦力既一半  +80  )    }
怪物攻擊力 = 怪物攻擊力 x 防禦率

假設防禦力為50
1 - {50÷2 ÷(50÷2+80)}
=1 - {25 ÷(25+80)}
=1 - (25÷105)
=1 - 0.2380952380952380952380952380952........
=0.761905
=76%

假設怪物攻擊力100
100 x 76%
=76攻擊力(怪物攻擊輸出)

假設防禦力為500
1 - {500÷2 ÷(500÷2+80)}
=1 - {250 ÷(250+80)}
=1 - (250÷330)
=1 - 0.757575757757575...
=24%

假設怪物攻擊力100
100 x 24%
=24攻擊力(怪物攻擊輸出)

屬性防禦計算公式
假設怪物攻擊付帶屬性
怪物最終傷害=  怪物攻擊輸出x {   1-   (耐性值÷100)   }

假設防禦力為500
耐性值15
怪物攻擊力100
怪物攻擊輸出(24)x {   1-   (耐性值(15)÷100)   }
=24 x (1- 0.15)
=24 x 0.85
=20 (怪物最終傷害(付帶屬性)

理論上,屬性100時,攻擊力計算結果為0攻擊力.

防禦率圖表



斬咪,彈刀
彈刀實際上不會影響攻擊力,斬味消秏如下表.
通常攻撃 -1
弾刀 -2
大剣防禦 -1～-10
砲撃【通常型】 -3
砲撃【放射型】 -4
砲撃【拡散型】 -7
竜撃砲 -20
携帯砥石 +100
キレアジ +150
ドスキレアジ +200
砥石 +150
砥石G +200
高速砥石 |75
高級砥石 |400
会心の砥石 +150 (另+1分鐘 会心+10)

[ 本帖最後由 紫　 於 09-12-5 10:06 AM 編輯 ]

紫

洗淒武
方法同PSP唔同,PSP可以唔SAVE,電腦版唯一既方法就係斷線
淒武計法同原理同PSP一樣.此BUG目的唔會增加你既成功率,主要係選擇你想要既武器
你洗龍雙唔洗50個小塊,只要1個小塊+49個(任何)淒塊就可以.
1.假設你有50粒淒塊
2.假設目標係雙刀(但係雙刀小塊只有1個)
3.不停做淒武,直到成功為止
4.此為重點:當你整好一件武器之後,佢會問你立即裝備定係收入箱中,呢個時間2項都唔好選,因為選完之後會正式SAVE,所以呢個就係你斷線既時候喇
5.假設你成功整左淒武大劍,但目標係雙刀既話,記得立即斷線.
5.點斷線? CTRL+ALT+DELETE關閉MHF主程式/關閉主連線 都可以,不過唔可以ALT+F4
6.上返線,立即整你想做既目標(假設係雙刀,就用小塊整淒武就可以成功做出雙刀淒武喇)

＊ 此為BUG,唔好周圍發揚光大
＊ 50個淒塊只係保險用,有D幸家橙第1個就成功, 本人用超過110塊淒塊先至成功(洗到吐血)
＊你可以每次下線時順手洗一次,唔成功就下線訓教,成功就即刻上返線做你想做果把武器
＊如果你只有１粒淒塊，不停上線下線洗同一粒，一世都洗唔到，不過出入任務可能會影響變數.


複製道具
玩過PSP既應該都知道,可以交易既主要係藥品類別,但係電腦版rare-3之中,都有唔少消耗量大既物品
上位到hr100之後,須要複製既道具唔單止係藥品咁簡單
弩手既空心骨,專業弩手個倉庫最好隨時準備1000粒空心骨以上.
,hr100以上既各類顏色草,做家俱用既速龍爪,道具流玩家最愛既閃光/音爆彈
因為取得方法比較麻煩,複製可以節省大量時間
1.首先最基本係2名玩家
2.A玩家身上帶備所有要複製既物品(盡帶) 以及10件生肉,然後去自己個箱度儲存低身上物品配套
3.B玩家空身
4.進入任務,請找新手任務(副任交2件生肉)
5.A玩家將所有物品交給B玩家 (係交易過程中伺服器已經交易儲存資料)
6.A玩家自行斷線(必須斷線,唔好諗住比完野人地直接離開任務或者取消任務)
7.A玩家上線,因為之前斷線,伺服器無法儲存交易資料,複製成功.
8.A玩家將身上所有物品收哂入箱,然後由步驟1開始,A B玩家身份對調就可以互相複製
重申一次,止為BUG,玩家使用如否乃個人問題,請自行承擔所有責任.



固定月費以外既付加服務(日服
エクストラコース (Extra Course)
"高級通行證"
1個月 600yen
用途:
1."貓郵差"可以寄任何物品比自己既分身.
2."エクストラボックス"(Extra Box) 在酒場,獵團房等地方追加一個箱子,可以唔洗返屋企就可以存放物品(只可以存放物品,唔可以換裝)
3."高級家具購入權"追加平時無法購入既家具,"家具分"可以為農場升級,,換特別武器或者換最強既"鋼力珠,鋼體珠"
4."高級美容室"追加男女共8種新髮型選擇(另有12種色可選擇) "12種色"係指新髮型上既護目鏡,蝴蝶結,帽子,頭巾之類

5.可直接購入閃光彈,蜂蜜,食材,洛穴,麻穴等等
MH無免費貓飯,一般食材店只提供普通食材,如果想食150血150耐或者大攻大防貓飯,一係出去自己採,一係比多24蚊就直接買
另外洛穴,麻穴都係要自己採,唔似PSP咁有賣材料比你合,想好似PSP咁方便.呢600YEN可以話係比硬!
6.高級釣魚場,可以釣白金魚,小金魚之類既珍貴魚
7."農場消耗品使用次數2倍"先說明一下農場系統同PSP唔同,就算幫農場升左級,都要比錢去買消耗品先可以穫得效果,大約4500元5次變為10次
8.家具屋分數較易取得(花3000蚊一個印仔 > 變2000蚊一個印仔)
9.LV3以上既獵團房有隻"羽扇貓"每24小時會隨機比一次ITEM你,買左"高級通行證"之後每日比你既野變成2倍
10.可以接一D大量採取或 某D過左限定時間既期間限定任務.

另外分身要用1000yen買,配埋"高級通行證"用,可以打做一隻hr1用祖神裝既角色

プレミアム コース(Premium Course)
3日(72小時) HR31以上
大約47.5元
可以接一D "錢"同"經驗"比一般任務多好多既特別任務,又或者一定出一件珍貴素材
(プレミアム コース任務一覽)
http://daletto-members.mh-frontier.jp/sp/payment/premium_sw.html

プレミアムキットシリーズ(Premium Kit Series)
"白金包 系列"
簡單黎講就係裝備包,一套多謝你196.8元, 共有5套,全收983.7元
http://daletto-members.mh-frontier.jp/sp/payment/premiumkit.html#contents_top

ブースターパック・ターボパック
又係裝備包,平既24蚊,貴既82蚊,詳細自己睇
http://daletto-members.mh-frontier.jp/sp/payment/booster.html#contents_top

マイトレプーギー服
http://daletto-members.mh-frontier.jp/sp/payment/p-clothes.html#contents_top

キャラクター追加サービス
分身角色一隻82蚊
＊刪除角色後，想再刪除第２隻角色要等７天
----------------------------------------------------------------------------

[ 本帖最後由 紫　 於 09-12-21 04:01 PM 編輯 ]

豈几示申

呢篇野 打得咁好 幫手推下~~
好過各位巴打要去日版搵資料睇到死死吓~~

Endless_Rain

推 好實用
不過豪華包真係24蚊咁平?

豈几示申

原帖由 Endless_Rain 於 09-12-4 02:30 PM 發表
推 好實用
不過豪華包真係24蚊咁平?

佢最下面果d價錢係用日版既收費價錢(yen 對番 港幣既價錢)而唔係台版既價錢 ,因為台版未公佈收費(月費已知,其他未知)方式同埋價錢,所以只係給各位參考

[ 本帖最後由 豈几示申 於 09-12-4 04:49 PM 編輯 ]

Endless_Rain

白金包 系列
簡單黎講就係裝備包,一套多謝你196.8元, 共有5套,全收983.7元
d衫有d幾吸引

紫

原帖由 Endless_Rain 於 09-12-4 02:30 PM 發表
推 好實用
不過豪華包真係24蚊咁平?

sor,唔記得左講,
當初日版出呢個服務果時係半價推廣300yen (24蚊)
幾個月之後變返600yen,台服唔知出果時有無推廣價

古利文天

其本而言,佢差不多係一隻月費加商城的遊戲...最貴的白金包其實可以當係買點數裝備仲包一大堆藥物道具,
其實唔知到時台板點放呢堆裝呢,比錢都還好,如果又好像教官任務呢類活動先比就慘了...台灣GAME最鍾意一大堆當地活動先比貴野..

P.S:關於洗淒武,雖然一洗到就100%可以用呢個BUG....但其實要點運氣,
      但大家不用灰心,我CB時同日板時都是第一粒就洗到,紫所講個位幸家橙正是在下=A=

[ 本帖最後由 古利文天 於 09-12-5 10:19 AM 編輯 ]

飛乂奧古

如果打埋派生表比佢地班新手仲好

Endless_Rain

原帖由 紫　 於 09-12-5 08:03 AM 發表

sor,唔記得左講,
當初日版出呢個服務果時係半價推廣300yen (24蚊)
幾個月之後變返600yen,台服唔知出果時有無推廣價

囧 一個月其實唔超過200 都唔算貴既

古利文天

原帖由 飛乂奧古 於 09-12-5 01:24 PM 發表
如果打埋派生表比佢地班新手仲好

就噤打字會打到天光...自己睇
http://www.gamebase.com.tw/zone/ ... %E6%89%8B%E5%8A%8D/

飛乂奧古

睇完記得按推薦

long0362408

支持紫你丫=0=

polyman

大大 好詳細呀！
新幹線facebook都無咁多資料睇tim~不過就唔知遲d佢地會唔會有著數拎

晶晶妹妹

感謝分享，相信大家有左呢份資，對芒亨既認識會更清晰....
推推推

Galaxia

好貼留名
推推推

永恆~Y

十卜你呀紫紫

cyin2009

原帖由 Endless_Rain 於 09-12-5 02:09 PM 發表


囧 一個月其實唔超過200 都唔算貴既

囧 200不是可以玩兩隻game嗎

Endless_Rain

原帖由 cyin2009 於 09-12-20 11:52 PM 發表

囧 200不是可以玩兩隻game嗎

係好野既 貴少少無問題
正如阿凡達一張飛都過百蚊 我都會覺得值得