最近有d是非丶衝突令本身輕鬆自在既討論區變得沸沸揚揚,
由此,我明白到人言可畏呢四個字.
我已經厭倦左呢d爭執,
我只會繼續o係艾爾之光既玩pvp玩副本,
o係2000fun發表研討性文章,
e家我覺得其中既樂趣係大於一切.
我會係呢篇文入面同大家分享關於團隊戰既技巧,
本文為拋磚引玉之用,
假如你同我有咩過節,
我希望你能夠放下成見,
用客觀既態度發表你既意見.
我亦無任歡迎你黎pk魔人同我切磋.
去片先.
<今次呢條片片長5分18秒,係早一排拍攝既,我到e家都搵唔到咩歌用黎做bgm,歡迎你地提議,太毒可免>
艾光既團戰唔單止對個人技術*註1既要求好高,
而且亦極度講求團隊合作同埋其他要素.
今日我會同大家講解下團戰既幾項至勝既要點.
戰術
1丶進攻
動員到戰場上某個位置,鎖定目標作出攻擊行動
2丶掩護
遠距離協助隊友進攻
3丶救援
幫隊友解圍
4丶封鎖
立於主要通道等地方,阻止對方進攻
隊型結構
所謂隊型結構,
簡單黎講就係1team人用既職業"夾唔夾".
艾光既職業丶技能系統唔算太複雜,
只要玩得多,自然就識得配搭,繼而可以係結構上佔優.
我將戰鬥中每人扮演既角色分成3類:
1丶輸出系
倚賴技能者,作削減對手生命值之用,屬於團隊中既火力核心.
2丶控場系
經常衝鋒丶在前線混戰既職業,有責任攔截進攻,保護近戰能力低既隊友
3丶 支援系
支援系既職業經常接近戰區,用距離型攻擊幫主戰區隊友解圍
要記住,每種職業可以同時肩負兩個角色既責任
例如我用既領騎就屬於輸出系同埋控場系.
由於每人既打法唔同,
所以大家應該好好細分一下你既隊友屬於咩角色,
從而作出調配.
戰場形勢
好多人即使知道自己係咩類型角色,
係團戰果陣都會感到迷茫,
有種"亂,唔知做咩好"既感覺.
e家我將戰場分成三個區域,
等大家知道應該做咩.
1丶主戰區
前線,近戰混集埋一齊既地方
2丶支援區
遠攻隊友(弓手丶eve等)支援近戰既站立點
3丶後勤區
通常處於最後/遠離主戰區既地方,多數係魔法師儲mp既地點
4丶外野
不屬於1丶2丶3丶既區域,為自由空間
典型既區域分佈,藍色=藍隊,紅色=紅隊↓
後勤 外野 支援 主戰 支援 外野 後勤
唔同角色應該企係唔同既位,盡自己既責任配合隊友.
而係特殊情況下,唔同人既位可以調動,隊型轉左之後要認清自己要做咩.
局勢發展
典型團戰有一個既定流程:
<開局>
1丶其中一方發起進攻,另一方攔截,由於一開始雙方mp較少,故都以普通攻擊入陣,組成主戰區
<中局>
2丶兩方支援系作出掩護
3丶全體有一定mp量,後勤攻勢準備完成丶開始技能戰
<尾局>
4丶經過短兵相接後雙方損傷,部分人員死亡
<殘局>
5丶死亡較多的一方會有落單,或者兩方無人死亡,大部人員重傷,通常會經過重整後繼續戰鬥
6丶如無意外,最後由優勢一方勝出
團隊合作
團隊合作大家聽得多,
可能有d人仲係對呢個概念有d模糊,
的確,呢個概念係比較抽象,
我亦都唔能夠完全摸透當中既道理,
但我可以話你知呢個係一種隊友之間既默契表現,
而我既經驗中,要達成團隊合作,
係有幾個tips可以俾大家參考.
1丶不貪刀
好多人見到隊友捉住對手,都會走埋去補兩刀,
但大家要留意擊倒值呢個問題,
擊倒值即係對手俾我地一直連段,強制倒地既hits數.
即係話你不斷咁劈一個人果陣,
劈到一定hits數對手會強制倒地.
心水清既人已經明我講緊乜,冇錯,
即係如果你隊友劈對手果陣你又跟手劈,
雖然對手會扣多左血,但倒地亦都會加快.
加快倒地可能會令我方可能唔知幾時收刀,
俾對手起身反擊擊中,被反捉.
咁我地應該點做呢?
tip1:見到隊友捉到對手,幫隊友睇住周圍,擋下敵方既救援,等隊友1個人連技
如果隊友用既職業連技比較差亦唔緊要,
因為如果隊友連技甩左被反捉,你都可以係附近補刀救援.
2丶小心攻擊
有d職業例如元素咁,
元素火球既攻擊距離好遠,
有時會唔覺意掃跌遠方既敵人,
假如你既隊友捉實左對手係度連技,
你一野掃低對手,
咁就會造成損失.
tip2:攻擊果陣諗清楚後果
3丶小心陷阱
對手捉住你既隊友果陣,好多時會set陷阱陰人,
最常見既就係領騎捉人之後,見到有人救援果陣即刻出音波,
一石二鳥打兩件.
或者係等人沖埋去,跳起避開,一下捉兩件.
所以係救援果陣我地要確保自己唔會俾人捉埋一份,不然損失會好慘重.
tip3:救援要快,但個心唔可以急
心理素質
1丶要做到快丶穩丶準
2丶對自己有信心,信賴隊友
3丶唔好驚落單
4丶凡事無絕對,hp未到0,都可以逆轉
今日講住咁多先,88
註1:關於個人pvp技術可以參考我上一篇文章http://www.2000fun.com/bbs/viewthread.php?tid=4497692&extra=page%3D7 |
發表於 11-4-2 06:06 PM
發表於 11-4-2 06:22 PM
發表於 11-4-2 06:57 PM
