2000FUN論壇

 

 

搜索

[轉貼分析)日本工作假期每月賺萬幾蚊的代價@@"只作注意

熱度 5已有 17831 次閱讀 09-10-30 03:48 PM |關鍵詞:日本 假期 代價 quot

[轉貼分析)日本工作假期每月賺萬幾蚊的代價@@"只作注意
日本工作假期 倡備8萬旅費 遊日工作 月賺萬二至萬七@@"
http://ds1.2000fun.com/bbs/viewthread.php?tid=3803507&extra=&page=1


新聞報導說香港-日本工作假期2010
1月接受申請,是香港首個合作的亞洲國家,其餘四個分別是德國、澳州、紐西蘭及愛爾蘭。去日本邊工作邊進修邊旅遊是否很「荀」?希望考慮此計劃的香港人要有心理準備,不要有不切實際的期望,否則遇上過大的「文化衝擊」,失望而回。


我旅日多年,關心日本的事務,有不少日本朋友,日本的經濟狀況比香港差很多。要在日本打散工(工作假期只限在同一個僱主打三個月工),不能奢望做寫字樓。你只要在JR大站,那裏有如Recruit, Job market之類免費求職雜誌派發,拿一本看看便知。香港有工無人做,有人無工做,日本都是這樣。香港食店及零售店常常貼告示請人,全職每月有HK$7000,工作10-12小時,待遇不多也不少,但少人應徵,流失率高。日本也是如此,Macdonald夜班時薪可達每小時1000 yen ($80). 那裏的便利店一日到黑都請人。很多都嫌辛苦,嫌錢少,嫌工時長...寧願在家做自閉青年。


教廣東話、普通話、英文?香港人的英文及普通話有幾好大家心知肚明,如果薪水一樣日本人寧願找外國及內地的母語人士。至於教廣東話,識講唔代表識教。由於只能為同一僱主打三個月工,不能期望有甚麼培訓。

如果唔識日文,更難找到工作,工作假期計劃只容許你讀最多三個月的課程,那種程度難以應付工作所需。若你只懂英語及漢語,最多在外國遊客聚集的旅遊區工作,住宿較昂貴,若你住得遠上班的交通費便昂貴;倒不如在偏離巿中心遠一點的當地社區工作,住宿較便宜,但必須懂日文,因為一般日本人對說外語有恐懼症,且「外人」觀念很強。

嘩!一個鐘HK$80, 每日做8個鐘,一星期做六日,每月有萬六蚊,都幾好搵呀?有入就有出。冰島麥當勞巨無霸賣成40幾蚊一個, 因為來料貴, 蝕大本, 結束營業。日本的生活都接近這個原理。

1. 租屋: 日本地方大,找屋或會比香港容易,但視乎地區最少都要預HK$4000-6000一個月。還有租約是一個問題,很多都要有擔保人,沒有擔保人便要付一大筆保證金。租約條款多保障業主而不是租客,若房間有甚麼破損,費用便在保證金中扣除,房間內的硬件壞了,業主未必有責任要幫你維修。


有人說homestay住在日本人的家庭可省住宿費。唔好以為白吃白喝,宜家很多homestay都要收錢,或要你付出勞力賺取日常飲食,包括落田耕種、照顧小孩子或替孩子補習英語/ 普通話,唔會有額外收入,只是包食住。如果沒有這份能耐,唔好試。我聽說有香港人到日本家庭homestay,但不守規則,無禮貌又嫌三嫌四,真是丟盡香港人的臉。


2. 飲食: 費用拍得住住宿。日本沒有港式茶餐廳,沒有美心及大家樂,雖然有麥當勞及吉野家,但價格比香港貴得多。香港的以上餐廳一個早餐十多二十元,午餐$30左右,晚餐$30-40. 是可以吃飽人的。在日本,唔駛奢望$20多元可以食一碗雲吞麵。你每餐都要預最少600yen (HK$50). 吃的都是普通的拉麵、Udon, Soba. 唔好期望有「大肉」如香港的雜扒飯。即使買餸自己煮,沒有我們偉大祖國的大量輸入,菜與生果都貴,買幾個橙要20幾30蚊,所以很多日本人都有排便困難,但談有效大便的書便出了很多。 以上的「好處」是,你會瘦 (特別是男仔,女仔因嗜甜瘦得比較少),你很少發現身型壯健的日本青年 (中年發福除外)

3. 交通: 港人遊日常用的JR pass, 在日本是不能購買的。在那裏生活得久便要用當地人的生活方式。一是購買「青春十八」, 限坐普通及快速列車 (不能坐特急及新幹線),以較長的交通時間去旅行。否則便要豪一點買正價票,比JR pass貴不少。所以不少日本人都羨慕我們訪人旅客的JR pass.




一些在香港發生的社會問題同樣會在日本發生,當中包括互聯網的罪惡。我有朋友在東京留學時寂寞難耐,晚晚MSN,認識了一名日本女子,素未謀面的女子相約他到北海道旅行...浪慢?着數?騙局? 原來那女子有自殺傾向,而冬天的北海道是最悽美自殺的地方,希望有個伴同行。


即使有工作假期計劃,旅日時要預自己找不到工作,或要放低身段找工作,旅費必須充足,萬一負擔不來,可提前回港。如果想打好日語基礎,還是正正經經到日本以學生簽證留學,或在香港先作準備。



駐港日本領事館:http://www.hk.emb-japan.go.jp/chi/index.html
入境處工作假期計劃:http://www.immd.gov.hk/chtml/hkvisas_holiday.htm
日本working holiday協會,舉辦講座,求職等等: http://www.jawhm.or.jp/index.html


各位,我係一個過內人...N年前啱啱出黎做野...上左大陸做化工...
就比人派左去京都一個近郊叫久御山既山寨兩個月training...個時我一D日文都唔識,
唔係我discriminate日本人,除左thank you...佢地係一句英文都唔曉架!完全溝涌唔到lor..>_<
不過佢地對中國/香港人都好有興趣,成日講"謝謝"同"齋見"...仲有就係扮李小龍...哈!

講番個2個月做乜...完全做苦力...重覆冇意義既工作...清潔,洗化工原料...唉...
做足5day半...是問自己都算捱得,夏天成36,7度,住係超簡陋工廠宿舍...好在死唔去!
出糧?個時yen1對7,每月都有12萬...(個日本老細話我香港都有出緊糧,頂)
超唔夠洗囉...我識左個日本工友,都係21萬咋!
你地唔洗旨意,做咩快餐,就算識日文2級,都係溝通唔到,當地太多slang同片假名,
書面上係完全冇學過,係後欄洗碗碟就有你份!
教廣東話?普通話?我見到張局長咁講真係笑左出黎...低低地,on99既..

食野方面,食餐普通晚飯都要100蚊呀!之後好多餐都係捱杯面同超平壽司lor...唔係點呀!
條數自己計啦!平均每個月自己要洗凸1萬蚊,所以討論區既8萬根本唔夠囉!

做野得星期日休息,我冇$踏jr,都係踏普通/高速去左大阪京都附近所謂既旅遊...
不過不得不佩服日本交通真係好方便既...
印像幾少,二來冇時間,最後去左嵯峨..清涼寺呀,金閣寺呀,環球電影城...冇喇!...TAT...

總括黎講除左市中心既人,所有日本人都好nice,唔知點溝通,點都會用body language幫你,
唔洗驚當失路...

講咁耐...好似我講到日本好差好差...
其實唔係既,只係想警剔個d18 22腦荀都未生埋既人,唔好諗住去日本做野兼旅行好爽...
幻想自己點點點..係東京好grant,好潮,好正,有理想,可以係新宿涉谷喪shopping...發夢就有份!

不過,我想我會試下apply...如果真係批左我呢個working holiday....我真係想再作賤自己一次....^^
點解? 因為係日本遇到既人和事....得既一定比失既多!!

發表評論 評論 (6 個評論)

回覆 維他蘋果綠茶 09-10-30 05:51 PM
路過
回覆 斗斗 09-10-31 04:54 AM
恭喜
回覆 強化型菜鳥 09-11-12 06:26 PM
講到我都想去做賓仔
回覆 xhidex 09-12-11 12:04 PM
路過
回覆 斗斗 09-12-13 04:56 AM
回覆 金銀靈 09-12-17 01:59 PM
搞笑~

facelist

你需要登錄後才可以評論 登錄 | 免費註冊

聯絡我們|Archiver| 2000FUN論壇

SERVER: 2 GMT+8, 19-9-18 06:09 AM , Processed in 0.018811 second(s), 10 queries , Gzip On.

Sponsor:迷你倉 , 網頁寄存

Powered by Discuz! X1.5.1

© 2001-2010 Comsenz Inc.