原創小說~《南區之戀》+《南區之戀外傳》最新公佈

~Kwan均~

唔知之後會點呢.....
好緊張ar~

NightTAt仔

Originally posted by brat at 2005-6-24 01:54 PM
點解會有人叫阿羊既=.=?
快d出下一集啦~好想睇@@

我有個FD都叫阿羊-.-冇咩咁出奇~

kira3204

如果想睇《南區之戀》及《南區之戀外傳》，請讚好及留意以下專頁公佈
https://www.facebook.com/sankalalyricist

kira3204

如果想睇《南區之戀》及《南區之戀外傳》，請讚好及留意以下專頁公佈
https://www.facebook.com/sankalalyricist

NightTAt仔

今集冇阿sa ge/__\
唔知隻羊點諗呢=0=
期待下集~

brat

凱寧同呀羊講明啵~~唔知呀羊會唔會去同凱兒表白呢
期待你下一集

㊣宗正㊣

＝ｏ＝哈哈 我諗啊sa無機la

藍絲

Originally posted by 龍神傳說 at 2005-6-25 01:03 AM
＝ｏ＝哈哈 我諗啊sa無機la

我反而覺得佢勁有機啵

佢地冰釋前嫌果幕~男主角為佢檔左一拳令我強烈感覺到阿洋最終會選elsa的
不過亦可能只係我的強烈意願而已:p

kira3204

如果想睇《南區之戀》及《南區之戀外傳》，請讚好及留意以下專頁公佈
https://www.facebook.com/sankalalyricist

kira3204

如果想睇《南區之戀》及《南區之戀外傳》，請讚好及留意以下專頁公佈
https://www.facebook.com/sankalalyricist

brat

哈~~角色轉移~唔知下集果2個摟打有冇黎呢~~

㊣宗正㊣

正BOR 用左第2個人ge身份 寫 一定另有一番高潮

藍絲

好睇好睇~~elsa同阪洋o既感情明朗化啦~~ya^-^""

NightTAt仔

Originally posted by 藍絲 at 2005-6-26 01:12 AM
好睇好睇~~elsa同阪洋o既感情明朗化啦~~ya^-^""

好事黎a_a
轉左角色~估唔到下集會點=-=
期待下集>v<

kira3204

第二十章：哥哥
「妹妹，我地依家去食雪榚囉。」哥哥牽著我手，微笑地說。
「嗯。」
我們沿著斜路離開小學，穿著白色校裙的學生在我身邊經過，她們牽著母親的手，有說有笑。突然，哥哥鬆開我手說：
「妹妹，不如我地鬥快跑去便利店呀，1、2、3﹗」說罷，哥哥已經跑了很遠。
「阿哥，等埋我呀。」雖然我盡力跑，但怎樣也追趕不上。
「你跑得咁慢ga，我唔等你ga。」哥哥回頭對我說。
「你跑得咁快，我追唔到你ga。」但哥哥好像聽不到，仍然向前跑，越跑越遠。
「阿哥，等埋我呀，阿哥……」突然，我被一顆小石摔倒……
「呀﹗」剛才所見的，原來是一場夢。
「阿兒，仲咩事呀？」家姐可能聽到尖叫聲，連忙進入房間。「你仲咩事喊呀，傻妹。」她將我緊緊擁著。
「我頭先夢見阿哥，佢跑得好快，我追唔到佢呀。我有叫佢，但佢好似聽唔到咁呀，嗚……」近來媽媽和哥哥相繼入院，擔心的心情，令我的眼淚再次奪眶而出。
「傻妹，唔好喊喇，再喊唔靚女ga 喇。」家姐撫著我的髮尾，一直安慰我。

返回學校，一直心不在焉地上課，老師說了甚麼，我學到些甚麼，一概不知。第四節課完結前，校工嬸嬸進入班房，將黃紙交給老師。
「程嘉兒，小息去見Miss Leung。」
接過黃紙，詩詩問我：
「點解Miss Leung 會搵你嘅？」
「我諗係音樂學會嘅事掛。」
「你今日冇咩事嘛，全日都無精打采咁，係咪唔舒服呀？」
「唔係，我只係發o左個怪夢。」
「怪夢？」詩詩有點不明所以地說。
「我夢見自己同阿哥一齊放學，但係佢越走越遠，掟低我唔理。」
「你真係傻呀，阿哥只係入o左醫院咋嘛，佢咁錫你，邊會唔理你喎。」
「唔。」
「如果俾阿哥見到你咁樣，一定擔心死佢添呀。」詩詩繼續說：「一陣間我陪你去搵Miss Leung 喇。」
「唔。」

小息時，詩詩陪我找Miss Leung，剛巧阿俊和她商量歌唱比賽之事。
「嘉兒，嘉洋冇咩事嘛？」Miss Leung 關切地問。
「醫生話阿哥可能患o左胃炎，要留院三日，我諗佢最快都要下星期一先可以返學。」
「你代我問候佢，叫佢好好休息，學會嘅事其他人會處理ga 喇。」
「唔。」
「我出黃紙搵你，係想叫你搵阿俊，但依家佢係度，不如由佢直接同你講喇。今次初賽安排，除o左嘉洋最清楚之外，就只得阿俊知道。」
「既然我見到嘉兒，咁我同佢交代番一陣嘅run down。Miss Leung，唔該你幫我搵嘉兒呀。」Miss Leung 笑而不語，之後進入教員室。
「其實今日嘅run down，阿洋已經做好o左，你睇睇先。」阿俊將今日的程序表交給我，原來我和詩詩是壓軸出場，而凱兒姐和Elsa 姐的獨唱組初賽則是明天舉行。
「咁我要做d 咩ga？」
「大致上都冇，只係放學嗰陣即刻要落禮堂，因為4 點15分要開始初賽。」阿俊繼續說：「而Setting 個邊，我同阿業係lunch 嗰陣會攪掂佢，如果冇人移動過琴日嘅setting，應該冇問題嘅。」
「不如我都幫你地手呀？」
「唔駛喇，setting 嘅事你都唔識，就算係阿洋，我只會將佢踢出後台ga 咋。」
「我好似咩都幫唔到手咁。」
「傻喇，放學個陣你好重要ga，係今次比賽嘅場地總監。」阿俊笑著說：「Setting 依d 野，留番俾我同阿業依d 小腳色做喇。」阿俊突然記起甚麼似的說：「嘉兒，你有冇d 咩要同我講ga？」
「我？」我抓著頭回應，反問他：「我有d 咩要同你講呀？」
「係囉，嘉兒要同你講d 咩呀？」詩詩也感到奇怪。
「咁唔緊要喇。」
「係喎，Lunch 嗰陣我同嘉兒可唔可以落hall 呀？」
「當然可以，嘉兒係我地嘅場地總監嘛，應該要視察下環境。」

回到4D 課室，我看見兩名不速之客的背影。
「詩詩，聽聞你個孱仔男朋友入o左醫院喎，佢死得未呀？」
「托賴，我男朋友一切還好，你有心。」看到詩詩心存戒備的樣子，我也有點害怕。
「其實我都唔明你，點解會揀個文弱書生做你男朋友，我唔夠佢好咩？話哂我都健康過佢，唔似個藥煲先呀。」
「周俊傑，我男朋友點差都好，佢一定好過你，佢識彈琴、填詞，但係你呢，好似古惑仔咁。最重要嘅係，佢對我夠真心，只係依樣野，佢已經比你好千倍萬倍。」詩詩嚴厲地說：「仲有，依度係4D 班房，唔係4A，請你出番去。」
「如果我唔出番去，你奈得我咩何呀？」周俊傑面目可憎，足似一個市井無賴。
「咁我又唔知可唔可以奈得你起呢？」肥波叩門進入4D 課室，對周俊傑說：「我只係知道你讀4A，依個係4D 課室，你入o黎就犯o左校規，犯校規就可以捉你去見訓導，你係咪想去一樓坐下，同我認真咁傾幾句呀？」
「阿傑，我地都係走喇。」站在周俊傑身邊的蘇威龍繼續說：「嘉兒，我放學會睇你比賽。」說罷，蘇威龍拉著周俊傑離開課室。
「你地兩個冇事嘛？」
「冇事，但係……點解你會係度嘅，你平時唔會係依層ga？」詩詩放下戒備，回復平時一樣。
「嘉洋琴晚打電話俾我，佢話驚嗰兩個人煩住你地，咪叫我幫下手，係四樓巡下囉，點知真係俾佢估中o左。」肥波繼續說：「依兩個人，係陸運會已經搵過嘉洋麻煩ga 喇。」
「點解阿哥冇同我地提起過嘅？」發生這種事情，阿哥理應和我提及的。
「可能佢唔想你地擔心掛。」
這時，榮少也來到4D 課室。
「肥波，點解你會係度嘅？唔通又係隻傻羊叫嘅？」
「你冇估錯。」
「唉，真係唔明白隻傻羊，冇啦啦叫哂d 人上四樓。」
「都唔係冇原因，啱啱真係有事發生。」肥波繼續說：「嘉洋雖然冇返學，但一次過動員身邊嘅朋友，佢真係好錫你兩個。」
「仲駛講嘅，傻羊簡直對佢地如珠如寶添喇，如果其他人唔知佢地係咩關係，真係以為佢兩個係傻羊女朋友添。」榮少按著肥波肩膊說：「一句講哂，傻羊對d 妹仲好過對自己女朋友。」
「哈哈，如果冇事嘅，我繼續巡樓喇，拜拜。」
「嘉兒，Elsa 託我同你講，佢話Lunch 係大樹等，佢會同你食lunch 喎。」榮少看一看手錶說：「如果冇咩事嘅，我都要落去上堂喇，拜拜。」
「唔該你呀。」
「其實阿哥真係好緊張我地，連入o左醫院都擔心我地兩個。」詩詩翹著我手說。
「你仲好講，點解同周俊傑講，話阿哥係你男朋友呀？」
「佢真係好煩嘛，恃住自己屋企有錢d，就係度睇唔起人，我最唔鍾意依種人ga 喇。」詩詩繼續說：「咁我同阿哥平時都成日俾人誤會係情侶ga 喇，咪將計就計囉，我知阿哥唔會介意嘅。」
「我只係擔心佢對阿哥不利咋。」
「放心喇，阿哥冇事嘅，佢有家姐、凱兒姐、Elsa 姐、榮少、阿俊佢地照顧嘛。」詩詩單著眼說：「仲有我地依兩個妹呢。」
「唔……」雖然詩詩這樣說，但我仍然擔心身在醫院的哥哥。
「笑番喇，笑番先會靚女ga。」

午飯後，我們三人回到禮堂，剛巧看見凱兒姐上台試唱，這首歌是楊千樺的《Mr.》：
「不必加班去贈我鈔票 不必溫書去入劍橋
不必飛車去讓我心跳 毫不重要
已經夠喜歡你 甚麼也沒缺少
從來無人嫌你這樣 你這樣才像你
怕你變了 尋遍世上 再也沒人像你」
音樂完結後，阿俊行近我們說：
「嘉兒，你覺得點呀？」
「凱兒姐唱得好好聽呀。」
「=.="""""(滴汗) 我係問，你覺得音樂同人聲配合成點，會唔會話其中一樣太大聲呀？」阿俊沒有好氣說。
「呃……sorry 呀，我真係唔識……」想像不到哥哥的工作是這樣困難的。
「唔緊要。」阿俊笑了一笑，便行到後台。
「嘉兒呀，如果阿哥係度，佢一定知道凱兒姐嘅心意。」詩詩望著我說。
「點解呀？」
「你唔知《Mr.》依首歌講咩？」看見詩詩難以至信的表情，我覺得不是味兒，她繼續說：「依首歌係講個女仔唔要求個男仔學歷高，唔駛佢賺好多錢，亦都唔駛個男仔俾刺激佢。就算個男仔幾多缺點都好，個女仔仍然會咁鍾意佢。」
「唔……」
「凱兒姐特登揀依首歌，我諗佢想憑歌寄意，阿哥係填詞人，佢一定知道依首歌嘅含意ga。」
當我回頭看看Elsa 姐的表情時，她卻心事重重，於是我示意詩詩不要再說了。
「係喎，你地最後兩堂係咩堂呀？」阿俊拿著程序表對我說。
「PE 堂。」
「原來係咁。」阿俊恍然大悟地說。
「仲咩事呀？」
「其實我見到依份run down 個陣都覺得奇怪ga 喇，以前係做哂獨唱先到合唱，點解今次係第二日會係高中組合唱先呢？原來阿洋係為o左你地先咁安排。」阿俊繼續說：「你地參賽個首歌，要跳舞同打側手翻，阿洋驚你地會走光，所以等你地著PE 衫個日就安排你地初賽。真係估唔到佢連依一樣野都諗埋。」
「唔……」聽到阿俊的解釋，我才知道哥哥的用意。
「係喎，你有冇野要同我講ga？」但我想了一會，便搖頭示意。
「你今日好怪呀，點解成日問嘉兒有冇野同你講嘅？」
「冇，我只係問下ja。好喇，你地都要上堂，放學見喇，拜拜。」

[ Last edited by kira3204 on 2006-2-20 at 11:58 AM ]

kira3204

如果想睇《南區之戀》及《南區之戀外傳》，請讚好及留意以下專頁公佈
https://www.facebook.com/sankalalyricist

kira3204

Originally posted by 龍神傳說 at 2005-6-24 12:52 PM
咁勁 一野車埋去 不過我好想結識下作呢篇野呢個人，樓主有佢icqｇｅ　可唔可以俾我

其實我係依個小說o既作者，如果你有d 咩想問我，可以PM 我ga:)2

真係好多謝你地支持，繼續睇依一篇小說﹗

藍絲

Originally posted by kira3204 at 2005-6-26 12:34 PM

其實我係依個小說o既作者，如果你有d 咩想問我，可以PM 我ga:)2

真係好多謝你地支持，繼續睇依一篇小說﹗

原來你係作者丫??@@我一睇topic先知...我之前都冇留意過"轉貼"定係"原創"=.=""失敬失敬^^""

乜你學校校規咁嚴架??走入人地classroom都唔比~"~我以前中學小息時成日都去搵以前d同班同學狄啦~.~""

kira3204

Originally posted by 藍絲 at 2005-6-26 01:33 PM


原來你係作者丫??@@我一睇topic先知...我之前都冇留意過"轉貼"定係"原創"=.=""失敬失敬^^""

乜你學校校規咁嚴架??走入人地classroom都唔比~"~我以前中學小息 ...

冇辦法la，學校d 野係咁煩

NightTAt仔

我以前果間都得~係不同課室穿梭~
不過之前唔係 轉貼架咩o.o?