上古捲軸 - 植物使加點攻略 (封測版本)

Mr.豪

內容：
植物使雖然係遊戲內唯一可以補血補護甲的職業，但由於兩招技能都有一段長既CD時間夠比你食藥回MP同埋加精神並不能提高回復量，故此基本上全智慧已經OK。
點解唔洗加防？事關遊戲既裝備已經可以補足(護甲唔爆情況下)

而至於技能呢 , 我會推薦甘配法 (以60LV為封頂計算)
大地仙人掌 LV1 (雖然佢係唔扣魔法既招式，但由於佢出招慢，故此只係加1LV用黎出奧義出夠)
水蓮種子 LV1 (雖然呢招出招快，但由於攻擊力低我都唔建議加，除非公測版本改左取消出一招後所有技能同時CD呢個問題之後，出完楓葉刀刃>辣椒種子仲有時間出呢招先夠4秒可以重出楓葉刀刃就另計，否則都只係加1LV用黎出奧義就夠)
光合作用 LV1 (呢招係唯一既補血招，但由於係持續性既每10秒回復一次，回血量又低，功效有限，食藥仲快，故只係加1LV用黎每60秒放下做下輔助補給)
楓葉刀刃 LV10 (出招快，攻擊力高，雖然要4秒CD , 但相信配合公測取消出一招所有技能同時CD既修正，同辣椒種子連環發放一絕)
辣椒種子 LV10 (理由如上，而且呢招更有禁止人出技10秒既好處，由於遊戲沒有普攻，所以禁到人出招等如禁左人地攻擊，仲唔會一打即解，不過注意得10%機率)
大樹催眠 LV1 (唯一既必暈人招，但由於CD時間長，暈後一打即解暈，故此只加LV1用黎做救命招)
自然呼吸 LV1 (食MP藥時可額外加成，加唔加爆見人見志，我就唔會加，純粹學LV1升爆5星級已足夠，因為有其他更有用的技能值得加)
橡樹祝福 LV10 (唯一既回護甲招，並係遊戲中唯一可即時補充護甲值的方法；由於遊戲中護甲值取決在被攻擊時的傷害多少，遊戲亦無回護甲藥物，故此加爆呢招會令你組隊打副本時十分吃香)
親近自然 LV10 (提高【自然】系技能攻擊力，遊戲中植物使除左回護甲值外，多數都會兼任打手，增加攻擊力既招數絕對要加爆)
綠牙寶寶 LV10 (召喚系技能，召喚幾隻寶寶出黎定點遠攻打怪，仲會有機率範圍回HP，係幫手打怪同做肉盾既好幫手，亦係一階技既最後絕招，有咩可能唔加爆?)

所需技點 55點 (剩番果5點可以自由發揮，或者留黎加2階技?如果可以的話)
注(1)：由於升到5星級技只需到修練場修練掛機即可，故此請把所有技能均升至5星級
注(2)：升LV時亦無需特地跟住奧義卡的發動要求出屬性技，一黎無甘煩二黎無必要；奧義主要用作打王用途，而且主要係得羊咩咩果張有用，所以係打最終大佬前既打小怪過程中把奧義卡刷到去羊咩咩卡留番唔用，到打大佬先出就岩架啦

總括而言，若果以封測版本黎計，想玩法系既我會推薦大家玩植物使多過法師，一黎攻擊力差唔多，二黎最少識得補護甲同補血，組隊打副本既保證

角色名稱：HoO

[ 本帖最後由 Mr.豪 於 11-1-18 01:39 PM 編輯 ]

qooman1

支持你, 不過我都係加3招, 加水既原來係佢成日爆技, 同埋多數都要出奧義, 出邊招你控制唔到...

`琪-)

我仲等緊多d資料,
對於技點方面 吾知轉職個d要點