[港服]格鬥家技能加點建議及推薦(想玩格鬥家建議看一看) - 龍珠Online

2000FUN論壇 › 綜合論壇 › 龍珠Online › [港服]格鬥家技能加點建議及推薦(想玩格鬥家建議看一看) ...

查看: 25170\|回覆: 361	go [武道家] [港服]格鬥家技能加點建議及推薦(想玩格鬥家建議看一看) [複製鏈接]

←璿●璿→

版主

Rank: 10

UID: 1450815
帖子: 2329
積分: 3659
Good: 118
註冊時間: 09-8-30
在線時間: 519 小時

1^#

發表於 11-6-14 11:08 PM |只看該作者 |倒序瀏覽 |打印

以下係我個人經驗~而且我之前韓服都有玩格鬥家，依家台服亦都諗住繼續玩。其實每個職業既技能都好適合各種場合，有d技能適合PK，有d技能適合升lv，有d技能適合打怪賺錢，並唔係真係無用既技能，而每個技能係等級提升之後都有可能改變威力、效果、冷卻時間等等。好~唔講咁多，比大家睇下格鬥家我認為有咩推薦及建議。

急速衝刺(別名:急住沖廁):
呢招係格鬥家既第一招攻擊技，所以一般都係會點，而且攻擊距離比較遠，冷卻時間都可以，但係重有其他有用既招未加既話，我建議都係加其他先。
實用性:●●●●●●○○○○

暴風來襲(別名:北菇來襲):
呢招係格鬥家唯一既群體物理攻擊，雖然係群體攻擊，但係可惜呢招範圍唔大，以自身4米黎進行攻擊(講真4米好細)，而且CD時間又長，要成24秒，所以PK唔實用，建議先加其他有用既招先。
實用性:●●●●○○○○○○

針刺攻擊(別名:沖廁攻擊):
呢招係格鬥家主力技能其中之一，重要既係會識得不斷扣人地既血，而且唔係扣10幾20果D，係扣成100幾200，而且呢招技攻擊範圍都好長，若果對付遠距離既敵人或者防禦高既敵人時，效果非常好，CD時間亦算較短，只有12秒，所以呢招我建議加滿點。
實用性:●●●●●●●●●●

超針刺攻擊(別名:超沖廁攻擊):
呢招係上面個招既進化版，都係不斷扣人血既招，而且威力亦都好強，但CD時間較長，需要18秒，如果同針刺攻擊配搭，效果會相當驚人，所以建議加滿呢招。
實用性:●●●●●●●●●○

終極閃光:
呢招係群體氣功技，亦都係比達最鍾意用既招式，雖然傷害高，但係準備時間要3秒，CD時間都需要16秒，而且格鬥家本生氣功攻擊力係比較差，PK唔實用，除非你係想學比達或者你只係想拎黎做打手，否則我都唔建議你用呢招，加1點(學比達)/加滿點(拎黎做打手)/不加(PK型)。
實用性:●●●●○○○○○○

大爆炸攻擊:
呢招同樣係群體氣功技，同樣，雖然傷害高，但係準備時間要2秒，CD時間需要20秒，而且格鬥家本生氣功攻擊力係比較差，PK唔實用，照舊，除非你係想學比達或者你只係想拎黎做打手，否則我都唔建議你用呢招，加1點(學比達)/加滿點(拎黎做打手)/不加(PK型)。
實用性:●●●●○○○○○○

靈敏:
呢招可以提高敏捷，敏捷可以加回避率，但持續時間有限1分鐘，CD時間都要4分鐘，所以玩PK既就建議加滿點，打手加1點好LU。
實用性:●●●●●●●●○○

速攻(別名:縮功):
呢招可以加攻速同移動速度，而且CD時間只係40秒，持續時間23秒，CD時間同持續時間之間都只係差好少，所以玩PK所以玩PK既就建議加滿點，打手加1點好LU。
實用性:●●●●●●●●○○

信間轉移:
呢招十分有用，呢招大多數都係拎黎接任，可以信間去到好友/隊友/生寶人(對敵人無效)，CD時間只有1分鐘，都唔算多，建議加1點夠，雖然加多1點會減少CD時間，但我覺得認為應該加其他點重有用。(P.S.如果比D on九仔煩住既話(成日飛去你到)，你可以禁好友→黑名單，新增佢個名就可以，咁樣唔會再飛去你度。)
實用性:●●●●●●●●○○

絢爛:
呢招點高既話可以好大幅度降低敵人格鬥攻擊力及閃避，但其實一般既敵人並冇咁多閃避給你降，而且碰到氣功傷害既敵人，降低他格鬥攻擊都冇用，使用起黎效果比較一般，但是對付同樣係格鬥家既話滿好用既，整體黎講比較建議先學其他更好既技能。
實用性:●●●○○○○○○○

太陽拳:
呢招十分好用，呢招係遠距離的，可以令人13秒內無法戰鬥，強烈推薦最少學習一點黎控場。
實用性:●●●●●●●●●○

格斗家之魂:
呢招可以增加力量同敏捷，但要點滿效果先明顯，冇點滿的話效果好差，不如去點高攻擊技能或者輔助技能，增加效果會更好，除非一心一意想提高攻擊同閃避或者其他想點既技能都點完，如果唔係建議點其他更好既技能。
實用性:●●●●●○○○○○

閃避率上升:
呢招可以增加閃避率，無論做打手或PK手，呢招都好適合的，而且亦都加好多，加第一次都100，但如果確實加呢招,建議加滿，因為加滿先可以發揮格鬥家真正實力，同你講閃避到敵人一下攻擊，就同比人打中的相差好大

。
實用性:●●●●●●●●○○

集氣速度上升:
呢招係降低技能消耗藍EP量，可以進行更長時間既戰鬥，但係不點都OK，靠食水就得LU，除非有咩特殊目的，如果唔係都係建議先學其他既技能更好。
實用性:●●○○○○○○○○

以上係我個人經驗，別名都係自己諗的

，如果有咩唔岩，唔好見怪wo

，覺得好既就推一推或者加good我都唔區

P.S.通常一轉前一定要記住先將技能重新設置一次，因為30級之後就冇得係NPC果度重置技能LU，如果不重置技能的話，一轉攻擊技能可能會冇點數學習，傷害差好遠的。

[ 本帖最後由 ←璿●璿→ 於 11-8-16 03:55 AM 編輯 ]

已有 1 人評分	Good	收起理由
sum1254101	+ 2	大力支持!!

總評分: Good + 2 查看全部評分

關閉 安全驗證

[武道家] [港服]格鬥家技能加點建議及推薦(想玩格鬥家建議看一看) [複製鏈接]

關閉安全驗證