如果唔想睇圖, 送上文字版:
第一層: 2間房 -> 火鑰匙+木鑰匙 -> 傳點
第二層: 1間房 -> 水鑰匙 -> 傳點
第三層: 爬中間果條梯
第四層: 唔洗入房(空房), 彈上去, 1間房 -> 土鑰匙 -> 出房走到最左邊, 跳落去 -> 傳點
第五層: 貼牆行, 1間房 -> 鐵鑰匙 -> 出房行最右 -> 帕雷爾
圖文版:
準備好後正式入場!
由於小弟乃係快速完成副本, 所以第一層任何怪都唔洗打
如果你左其他地下水道既任務, 麻煩自己照單執藥, 見岩就打
第一層行到半路會有條"LA" 快跑再按C跳過
走到最尾會有條梯, 請爬上去
同場加映: e張圖到底想點-_-“
走到第二層, 好快會見到有對門, 入去
有狼打, 打唔打小怪就隨你喜歡 最快可以直接打小王
(小王係怪仔入面最突出果隻, 你明白的……)
打死小王後會見到有鑰匙, 狼 -> 火鑰匙
出房再走, 會見到有條”LA”係到, 要快跑按C跳過去
(跳唔到唔會死, 亦唔扣血, 不過會跌番落去第一層)
順住地圖去, 你會見到有另外一層房 再入
機械人 -> 木鑰匙, 出房再行會見到有傳送點, 上去
第三層開始會有機關, 一段時間後會跌落黎, 扣血量都幾多
第二個機關控制既時間要好準, 但你唔想等的話(懶鬼)
上左第一個台之後, 可以遠行少少, 做一個小跑再按C跳
注: 跌落去係會扣血, 不過扣得並不多
第三間房, 廚房長 -> 水鑰匙 (點解奶媽咁似男人??)
呢隻王比較特別, 佢會放毒, 小心!
行到尾會見到有幾條樓梯, 唔洗揀, 行中間果條直上
上到去立即會見到間房! 唔洗入 只係一間空房黎
行到尾 彈上去
上到去就會見到第四間房 刀竹 -> 土鑰匙
出房再行, 冇路走, 放心地跳落去吧
走到盡頭, 上去第五層, 新機關, 亦都係你一陣最討你厭既激光
儲齊四條鑰匙之後, 你會發現少左條, 咁仲有一條呢?
就係最尾呢一層既入面, 麻煩貼住牆行就實搵到
猴王 -> 鐵鑰匙
齊晒之後, 走到去呢一層既最尾尾位 大家記得補晒血先好入!!!
正式開波:
房入面係充滿住激光同埋勁多小怪
而帕雷爾(下稱王)攻擊力甚高, 只要你被激光HI一HI, 隻王打一打
基本上都已經88 (團刷另計)
貼士: 先清小怪, 盡量唔好再行右邊 KEEP住係最左既地方打
咁樣做有幾個好處, 首先係避開激光, 二係唔好再拉小怪
清晒小怪之後, 慢慢SM隻王就可以了, 雖然你同我都係懶鬼,
但都一定要避招, 尤其係隻王跳上去壓落黎果下一定要避
打完有禮物收
或者你會問我, 做乜男人老狗著套粉紅色野周圍走
不必問了, 只能說這是哥的特色! 多謝收看!
發表於 12-2-23 03:57 PM
