- 閱讀權限
- 50
- 最後登錄
- 16-3-9
- 精華
- 2
- UID
- 209649
- 帖子
- 1805
- 積分
- 2526
- 註冊時間
- 04-6-16
- 在線時間
- 922 小時
- UID
- 209649
- 帖子
- 1805
- 積分
- 2526
- Good
- 62
- 註冊時間
- 04-6-16
- 在線時間
- 922 小時
|
本帖最後由 祭神KING 於 12-3-19 11:55 PM 編輯
當然係唔滿意啦,首先想講三代有幾樣野值得讚(讚完才慢慢踩)
(一)有陣法才是三國遊戲
增加四種屬性%,又有能力加乘,採用包剪石頭相剋關係,打副本或者團P明顯係有用。戰鬥空間比以前加多一行,主要係放NPC上最前排與玩家作戰。之前二代好多NPC的任務,也規定不能組隊,只限一人進行。
(二)自由轉職(可讚可彈)
原本以為吞天三的自由轉職會跟《飛天歷險》一樣,即係職業本身有專屬的點數自由配點,吞天三只有角色配點,職業就沒有。幸好吞天三的洗點重點功能,只需要付出銀幣就可以洗一次,玩家係有機會玩晒所有職業,當然你要挑戰一般人的極限,每逢轉職前都要升爆前置職業。
(三)盞鬼劇情
明顯地中華網龍有意將「吞食天地」系列繼續「長賣長有」!全3D的造法估計係跟隨近年3D網遊走勢,但係開發團隊能夠將書卷味甚濃的劇情,重新打造成充滿惡搞幽默氣氛的遊戲世界,NPC的得逞表情,獲得玩家們的憐憫或者想一巴昇過去。
開始踩喇
(四)棄2.5D阻多開
3D網遊衰在電腦會有一定負荷,通常都係單人玩而單開的遊戲,但唔代表冇多開的例子,例如某一年雲起的《真少林傳奇》,就係一個「不能單人玩」的網遊,一個人打怪,怪物數量永遠得一隻,升級慢之餘,極有可能「唔夠隻怪打」,遲1-2個月先玩,你想搵人組都難。
回到吞地三,你入去識朋友一齊組隊也可以安全掛網升級。但只限於遊戲推出首三個月。我假設未到公測前,你唔好彩比車撞,入院三個月,出院後安然無恙想開始玩吞天三,發覺新手村一個人都冇,上網搵到答覆都係叫自己多開慢慢升上去(刷副本都成問題),而你部機唔夠力多開,你會點揀呢?趁早放棄可能係最先考慮的。
當然有人話多開單人玩不如玩單機game冇咁辛苦,但自吞食天地推出網絡版,多開已經為唔少玩家帶來希望和方便,上班一族不愁搵唔到人組,學生哥可以任意選擇掛網時間。總之上線後,不用打電話問現場觀眾,自己已經有能力去升級。
所以吞天三第一個弊端係不設2.5D模式選擇,就好似《成吉思汗》、《亂戰天下》的模式設定,你可以揀俯視式的2.5D,電腦負荷自然減低好多,在坐咁多位吞天1/2的朋友,肯定都係曾經用一部電腦多開的玩家吧。
(五)寵物小精靈訓練員
寵物小精靈依套卡通大家都睇過,第一套出街已經有一百零幾隻小精靈等住你捉,跟吞天三有乜共同點呢?就係出了一本收錄武將的冊錄。以前吞天1/2見街上有咩百姓就可以P佢捉回來,牛馬貓狗乜都可以捉。來到第三集,大家化身為小精靈訓練員,只能夠捕捉冊錄裡找到的武將和怪物,想捉隻叫「小愛」的做我老婆又唔得,捉隻「哈霖」得閒唱蛋炒飯比我聽又唔得,咁叫一班支持者點滿足呢?
(六)帶技能出街睇職業
自由職業真正原因,是否滿足玩家任何時候轉職為心意的職業呢?其實唔係,真正意思係「你要用指定招式,就要轉指定的職業」。例如我條線係:百性>學士>郎中>工匠,成功轉為工匠,想要郎中的回復技能的話,你就要選擇「裝備技能」,將郎中技能逐一裝上身,當然裝備空間有限,可能你裝完放毒回血群補,你就冇位放復活。
此外,轉工匠後,你不能在「沒有事前裝備郎中技能」下,如常用郎中的技能,當然學士和百姓技能,你冇手動去裝上身都係用唔到。所以到後期大概60級左右,好多人已經三轉,但係你隊友竟然用二轉職業(尤其是多法術招式的策士),不要怪他。
(七)缺乏輔助新手裝備
如果你話三代之中,邊代新手最易玩,我會答你第二代,因為隔5級或者10級,就會有一個副本。打完副本送你寶盒,每次好肯定你開到一件藍裝,頭/上身/下身/手/腳/主副武,有些副本係專門刷戒指耳環等等。假設有套裝叫「包豆妖套裝」,儲滿3件+100血/5件+力量...etc,喂~網龍都係靠依堆靚裝先呃到你地買點數狂沖啦係咪!?
但係睇返吞天三,副本數量少之餘,開寶箱未必開一個就有藍裝送比你,關於點樣獲得藍裝綠裝,我就冇時間鑽研,但副本送裝一直都係網龍game特色,好讓一班新手唔駛驚冇靚裝備,冇得升lv。
有時新作係要打破傳統,但吞食天地1/2係有好多值得一試再試的idea,正所謂「橋唔怕舊,至緊要受!」,尤其係呢種靠續集番新作的系列遊戲,唔採用舊作的經典特色,好難令一眾老玩家與支持者繼續撐你。 |
-
總評分:
Good + 3
查看全部評分
|