[認真討論] 弓遊難做 , 好M , 愈玩愈沮喪 , 個人愚見分享

windnature01

愈玩愈覺得做弓遊真係好M
弓遊需要絕佳既忍耐力. 忍耐力唔單止代表忍住唔呃傷 , 更加係指忍受比人怪責既能力
以下係個人對弓遊既愚見同感想

首先講[多人]既主戰線
想出箭雨斷法破到冰總會比人鬧 貫骨救人亦會比人鬧
精準緩毒箭基於貫通特性 蓋傷率太高又唔敢出 ,
火箭飛鷹瞄得一個對手效率又未免太低
除非你有極高既恥力/無視能力去出招 , 否則在多重因素下 , 弓遊往往未能發揮應有既實力 , 陷入唔知做乜既囧怳

然後講[少人]既副線
我認為副線係比較能展現弓遊影響力既地方
蓋傷率低好多,火毒緩吹飛技等干擾技較無顧慮地使用,
而且目標少, 瞄準時可以更加專注
善用距離優勢,將會係一舊出色既煩膠

雖然弓遊係好全能, 但無奈弓遊總係一個彈多讚少既職業
D人成日怪弓遊 ,

又有幾多人明白弓遊玩家們想貢獻/幫忙既心態呢?

又有幾多人明白做弓遊既難處呢?

有時冷靜去諗 ,
敵人係咪差一下就會死? 敵人滿血時放個緩箭先再集火會唔會好D ??
後面會唔會好多敵人追緊上黎 , 貫骨吹飛哂等我方重整陣形先打會唔會好D ??
貫骨吹飛人落山 , 或者破壞敵方隊形後再進攻會唔會好D??
但往往蓋到一次重壓/火D等大技 隊友就發嬲當左弓遊係on9或者想呃傷咁.   

隊友往往覺得作為弓遊的自己係一個負累 , 作為弓遊的自己受盡辱罵既時侯, 感覺實在不好受. 講真要呃傷的話我去主戰線亂放箭雨就足夠有餘.

想救人卻被人指責 , 想干擾助攻亦被人指責
玩自己喜愛既職業,為國戰出一分力姐,
其實蓋技大家都唔想,
將心比心, 當你無論出乜招都要顧東顧西, 仲比人怪責既話 , 上戰場又有何樂趣 ?唔通真係坐水坐成世? 何解往往要惡言相向?
蓋一次技是否舉足輕重至要罵對方?? 點解唔接受下 ,弓遊係個容易蓋技但有一定影響力既職業 ?


當然各人都有不同既想法 , 或者我愚蠢,可能唔明白玩緊其他職業既你在那一刻的顧慮.或者我技術差 ,唔識玩弓遊
但我只想大家明白玩弓遊者,亦有自己的顧慮, 並非個個都係無腦箭雨呃傷怪
大家不妨多一份尊重包容,少一份辱罵. 設身處地去思考 , 打國戰都會開心D

希望大家可以發表下自己既意見 , 集思廣益 .

o0卡卡0o

你咪係咁精準lol
d弓手精準破冰幾開心架無人理~
箭雨破冰無人理~

little_ic

太多無腦精準箭雨 無計

幻魂影月

試下換槍弓雙修

你會變成一舊更出色既煩膠

justinkeung

點解我玩弓果陣冇人鬧-_-
打主線都冇=[

傻x薇薇

玩得弓遊真係要靠自己隊友/身邊既人= =
一落單根本是一舊好美味的肉
再加上呢隻職我反而覺得前線影響力最大

billylokchan

其實蓋左技講sor都應該無人會鬧你既
同埋玩過法師
試過步步都中箭雨...唔係就飛鷹精準火箭
都未話唔煩
不過前題隻弓識玩

35926448

轉弓挽左幾場就即刻轉番刀/槍

笨小陶

以我玩左4年睇
弓遊係前線上最能影響戰局既職業
至於比人蓋傷就吊 唔理佢咪得

我真係新泥

講弓 不過講刀

e+ 咁膠多遠攻 , 掃遊又咁勁 , 殘左又冇人衝

由其係黃國 d掃遊 , 一泥p甲 唔好講 , 佢仲要係a1位睇到a4位咁遠既我

最後比佢+隻騎狂吉我 搞死左我=( 真係好19

遠攻1掃 1粒油彈 硬直左 你必死 , 又冇人救

p甲滑山 , 我捉佢落地又唔中 , 紅圈又唔中 , 隻隻都有king333 45%力量

就算比你捉到 , 卡1卡 , 無啦啦1秒行10步 之後蛇又唔中 武又回埋 1個重壓 9吹 收你皮

愈玩愈覺得刀係膠 , 殘唔到就算d人唔講心入面又話你廢 , 殘左我吊佢唔衝 又嘈我 , 打副線 泥親次次都係

全戰 , 風法 , 殘到就10個9吹 吹到你返大陸 回哂 再衝9我地 , 個陣真係唔洗玩

講真玩刀真係膠中膠 , 我都係山上面跳落泥

條槍手 向天射我 我跌地 比人秒殺 =( 我真係唔明佢地點掃遊 , 唔通真係有人望住個天泥國戰?

唉 真係19 , 未行到就掃哂成班5-6個刀遊出泥 , 真係嚇到我玩刀無哂引

跳山又好 跳海又好 大跳又好 小跳又好 講真 我唔知點閃過我覺得 既 掃遊外掛

我諗我e+ 收30水 出騎解召 殘仲好過 , 再唔係就解龍 空降 , 唉 真係19刀遊

亂影虛無

我真係新泥 發表於 12-8-5 03:49 AM
講弓 不過講刀

e+ 咁膠多遠攻 , 掃遊又咁勁 , 殘左又冇人衝

冇人叫你做純刀
我隻刀都放棄左戒
可能以為會再玩番戒既...
不過呢,依家唔要戒
黑得1lv,用於起手硬直
點強射唔錯唔錯
有時唔鋸d法師係到噴噴噴
洗兩粒石落把弓到
射到佢地拍拍聲...一個字,爽!

納米蘿莉

一個弓手一場唔小心蓋左一兩下冇乜所謂
但係幾個弓手一場唔小心就蓋左唔知幾多下 仲要加埋on9弓亂射
連續幾場係咁真係好易起火

有時雖然差一兩下敵人都唔會死 但係近戰搵命搏諗住換血重壓最後比人蓋左
又係好難頂

``Edi

移動中既敵人蓋左我覺得可以接受,,但係宜家D蓋技真係好離譜
弓手 : 精準/火箭/毒箭/慢箭/強力打暈肉. (其實弓遊係唔應該打暈肉)
雷法: 單體雷D暈肉 / 冰堆 (無痛克既職業如果係咁禁小跳.只會食1~2下然後倒地)
雙手: 巨龍暈肉 /冰堆 (同上)
不過當然.以上既情況如果最後殺到果條友都可以接受.但係因為咁比人走甩左就真係唔得掂
希望會收新手既團可以教下D新手

SM321

``Edi 發表於 12-8-5 05:42 AM
移動中既敵人蓋左我覺得可以接受,,但係宜家D蓋技真係好離譜
弓手 : 精準/火箭/毒箭/慢箭/強力打暈肉. (其實 ...

點只咁少仲有
吉吉掃地 普攻打暈
油酸火C 等等廢技破冰

將心比己
如果你係隻岩岩沖到埋去冰到既大劍
想出技 但係D冰又比人廢技破晒
唔吊鬼先奇

KennyCKL

係副線, 弓打盾慢箭, 再火箭毒箭連射都幾好玩
主線既話, 用慢箭射死角位入或者落單既戰都唔錯, 通常佢地一中就即走

mxfish

依家D人精準破冰都冇人踢既
以前係蓋技都比人吊到HIHI

jccy1101

其實我唔明點解有ｄ弓係都要用箭雨淋對面戰士而唔係淋法師

michaelcheungky

弓手要預左做一個 一招取人命既 人
即係點解.??? 你精準還精準唔該唔好係人200血都 尻射. 係到不斷整跌人. 搞到人地等到救兵.
       100下先出招最佳.. 同埋弓手其實係叫連技師. 唔係打手..
即係唔好捉人小跳囉... 你要預左隊友出左一招你可以幫佢駁下一個技.唔好走犯

風靜月乂

弓遊難做, 戰士愈難做

傻K!nG

其實 如果唔係有大部份弓遊冇意識
諗下 點解破一下冰/食一下技都會俾人鬧
其實係因為太多弓遊禁樣做 先會令人忍唔夠
只不過被鬧被踢的唔好采