對現今寵物系統有感而慨 ……(字海)

RECALL．凌

(字海)

呢排童話10週年，雖然無再返去玩…但係諗返佢既捉寵系統真係好正.…

再諗返起宜家既OLG…寵物？只係代理商1個商業道具，永無止境既「公式化寵物系統」
相信各位朋友都識背佢個可惡既公式！

條公式就係：(任務新手寵+寵物島+道具+怪物掉隻寶寶)x人地隻寶寶=2代寵物+洗屬+洗成長值+洗技能=3代寵物

再無限loop (寵物島+道具+怪物掉隻寶寶)x人地隻寶寶=4代寵物  再無限loop  (寵物島+道具+怪物掉隻寶寶)x人地隻寶寶=5代寵物     rererererererererer ~~~~~~~

　　玩家們永遠都識背既寵物獲得劇情…

【任務獲取】遊戲中個NPC永遠都會話比你聽！你係「天生既馴獸師」並唔知點解會覺得你係100%大善人，將佢此生最珍貴既寵物／寵物個仔女送比你，
然後同你講：呢隻係我隻寵／我隻寵生出黎既BB..但我已經不再以前甘風光，老了！所以呢隻BB教比你照顧啦！
一個感動無比既劇情，使到我隻角色永遠都唔識拒絕佢，而接受左隻BB，但最令人感到心寒既係…

佢呢頭比完隻叫你照顧佢隻「一生最愛之寵」BB比你，轉個頭！？！？！
NPC：如果你想要更好既伙件，我呢到有個道具，某某地方有個寵物島，你傳入去就可以捉個勁D既寵
我：呀……只能說，NPC你真係好Q好鬼馬架姐………仲有咩好講Q_Q 心已寒…
你話我可以1次過放2隻寵都話丫，捉第2隻姐係擺你隻一生愛寵係到鋪塵…！

【寵物島】 一個集於萬千寵物既極樂之島，係個島上，你永遠唔知點解只係呢隻島既怪物先識掉寶寶。
可能係因為呢個島遠古時後，係由「激素」或者某種「催生物質」組成…
亦唔知點解，永遠寵物島生仔既定律都係：符合理律既，打到某個血%佢就因為你既霸氣臣服於你手上！
唔符合理律既，佢本身就係一個大肚既寵物／有個空間可以收埋D寵，甘你打死隻大肚怪，就會有隻野出黎…
除左掉初生寶寶之外，仲識掉成年寵，一出生就18歲…？

【勁寵獲得】 想要勁寵？想要唔同樣既寵？一個由系統組成既神之領域「商城」，
等你用外來幣（點數）去無限抽抽樂換返黎…抽箱抽蛋，引用一句話（轉出黎既唔係寵，而是一種寂寞）
因為勁寵獲得不再是靠自己的努力獲得，可能睇開少少，呢句可以變成…以玩家「現實努力」獲得既寵。

　　童話，唔敢講佢係最好既寵物系統，但有好多地方令不再玩既玩家念念不忘

可以真係有一個職係為寵物以主要職業…捉寵不只係要等級，仲要練技能，仲要封印石有機率…
可以到處去捉寵…為左1隻勁寵，闖入高等怪物既領域…去捉佢返黎
可以同時養幾隻寵…除左放出黎果隻…仲可以幻化…靈化…等等…比我將我隊7色寵物戰隊全部擺上身，而唔係弓手/召喚師外既職業，多數都只可以放1隻…！

可以捉珍貴既寵物…而唔係勁寵全部都要商城抽抽樂.. 想當年岩岩出卡拉龍日日伏係椰子島係甘遇佢…
遇到佢果種Feel，真係仲開心過中6合彩…商城的勁寵，係就係幾好，仲係3好…第1眼好靚，望個價錢，好貴，再諗下自己好唔好彩…。
可以咩寵物都捉得…唔係入個寵物島，每到達某等級所有人都係捉果隻寵，出到街到處都係兄弟，如果你唔show係頻道，人地永遠唔知隻神寵有咩特別。
仲有好多好多..  

其實唔係只係童話一隻舊Game齊到甘多原素，其他舊Game都可以，
因為宜家速食文化同時代這種多樣既寵物系統，經已消失～

　　雖然宜家既寵物系統方便好多，但玩家最鐘意都係靠自己獲得既寵物，同埋有鋪收集癮，而唔係隨手可得一式一樣既寵物。

Sorry，我太認真了…
我好懷念一堆BB…木波BB…卡拉龍BB…暗精靈BB…火獅BB:ro03:
今時唔同往日，打機勿認真。
Thx，睇完我篇字海～

ngai

不止寵物系統變了，整個遊戲生態變了

Ky乂鋒

已經好難搵到有game係有幻獸師呢個職 = =