- 閱讀權限
- 20
- 最後登錄
- 16-4-6
- 精華
- 0
- UID
- 1702217
- 帖子
- 35
- 積分
- 115
- 註冊時間
- 10-4-20
- 在線時間
- 14 小時
- UID
- 1702217
- 帖子
- 35
- 積分
- 115
- Good
- 65
- 註冊時間
- 10-4-20
- 在線時間
- 14 小時
|
本帖最後由 lok550 於 13-3-19 12:19 PM 編輯
首先呢段野係曾經係回看職業果度講左 有興趣可以採納我意見
最難玩但勁+hkd戰士: 聖騎 其實- - 最難玩係騎 要轉武好多野要做 加上好多武要買 合野等 最洗得錢多就係騎 但都要技巧 好多武器都要強化至極點
雖然難玩 但係大器晚成型 如果你掉很多錢去整 加上有人教你玩 最後一定勁到無敵咁滯 仲可以帶副搵錢 但速度就一般。
最易上手: 我個人認為 刺客"殺手"/遊俠-->"即全職射手" 係最易上手 加上易玩易用 弱點只係少防 攻擊力不弱 又高 爆擊等 升專精又易 所以好快成型 好快勁 加上刺客 到達一定lv後 可以帶人副本 隱入去直接打王又快 絕對賺錢機器 但遊俠冇乜近攻技 只係可以勁 但搵錢就一般。武來來去去都係單手劍同弓/槍 所以應該黎講 武器都比較平
最易升lv: 我諗都係遊俠/法系 因為始終遠程攻擊 腳力慳番幾步 節奏上都快d +上輸出傷害大 單人屈任務王又可以屈得死 有暈技 有減速技 有定身技 有破防技 自己升lv最好 至於戰士系/補c系 起碼有團隊先好d 補師雖然高防 難死 但係攻擊力較弱 始終開始時殺怪有難道。其實狂戰都唔差 因為有一招沖鋒技 立即好遠咁撞暈目標 直接埋身近攻 所以升lv能絕對不遜色 到後期既狂戰 絕對能與騎士相比 攻擊力 防守力都比騎士高 但係點解騎士硬d? 因為騎士獨有減傷技能 狂戰士都係大器晚成型起碼到70lv之後就開始越見能力。
單挑抽得 :我個人認為 騎士,死靈,遊俠,刺客 都係單挑比較勁 當然騎士同死靈都係比較技巧型 要由盾轉為雙手武器攻擊 甚至將遠距離目標 拖過黎比你打 攻防兼備 死靈就要屈中距離位置 同埋破防 +技能失敗率等討厭技能 控制你既行動 至於刺客同遊俠 就係有先手優勢 你有得潛行 人地冇得潛行 刺客既爆擊+攻擊力 處於先手機會很易將人打瓜 後期更可以有毒擊無視騎士防禦 慢慢2秒 3000-5000係咁扣 遊俠仲簡單 定身減速所有埋防止埋你身既技多不勝數 基本上後期閃避能力極高 埋到身都未必將你殺到 只要保持到距離你就有好大勝算。
最用得小錢: 法師系 即地獄使/元素使 我玩左隻game都有一定時間 發覺 法師系既所有能力石 都比較玩物理攻擊系既平好多 加上法師淨係玩法杖+法器 而法器係唔需要強化 只需要強化法杖就可以好勁 升專精能力又強 所以唔用得多錢玩既 就可以好勁可以玩法師 甚至將騎士輕易打低 但係搵錢能力絕對不能= =...
最搵得錢: 祭司 即係補師系 去到轉職時 有得選神官/祭司 神官主要行補師路線 輔助系 打副不少得~
但係祭司 應屬全能型 有得變狼形態 即係可以潛行+好多暗殺絕技+上有跑速技 <---帶副本都係用佢 最搵錢係祭司 但早期都係比較弱 大約到達4轉 先知時 就勁好多好多 但pk就一般 祭司仲可以轉飛鷹 可以以魔攻輔助 可以團隊中擔任法師角色 又可以轉做猩猩 +血+防 -傷 亦可以成為團隊中既坦 所以係全能型 但係pk黎講 就唔夠其他專精角色打
不過我個人認為game裹面無敵就唔會有 圍嘔都係死 所以 我認為玩game最緊要1.人緣2.運氣3.金錢
以下係d轉職資料 以免升錯你地想要既職
戰士->聖騎士->天騎士->聖堂領主 戰士->狂戰士->魔鬥士->烈鬥戰王
射手->刺客->影者->暗殺鬼忍 射手->遊俠->秘寶獵人->狙擊神手
僧侶->祭司->先知->神諭導師 僧侶->神官->賢者->深境智者
法師->元素使->魔導士->極光魔導 法師->地獄使->死靈法師->亡靈使徒
跟住落黎 再介紹1-60lv副本 每個副本出面都有個討伐欄 玩家可以係果度買討伐令 接副本任務
第1副本 草原洞窟 LV16-26? 好似 主線任務解3隻王 早期帶副2金場 係幾好搵既一個副 "初期" 入面有3隻王
第2副本 查禁礦坑 LV31-40 如果論帶呢個副本 起碼5XLV隱手先帶到 旅面有4隻王 由於副本地圖大階I字型 雖然任務中有3隻王 但係建議先清除左右兩路既王 再打第1王 即上路既王
第3副本 廢棄神廟 LV36-46 如果你係卡40戰場 呢個副本非常熱門 由於卡40戰裝備 飾品 係入面既怪物全都有齊
但係地圖非常大 就好似迷宮一樣 如果一般裝5個人刷都要最快半個鐘先打完
第4副本 迴音山洞 LV40-LV50 呢個副本都算係最煩副本之一 入面怪多+上D怪好硬 仲有樣注意 如果係呢度搵隱藏王既匙 會有哥布林出現 有機會3隻王都冇 會係副本左上方出現
第5副本 過去的席瓦島 LV46-56 算係最易升一個副本 一般一隻坦拉怪 打手全清 一共有3隻王 冇隱藏王 如果你有一隊好既團隊 刷幾轉又有令裝 又有經 又多錢 平均一般裝刷都可以5-10分鐘內1場
第6副本 咆哮之口 LV50-60 算係隻GAME最煩既一個副本 第一地圖大 第二 兩隻隱藏王 第3 多怪 D怪又硬 建議得閒打1-2次就好 非解任必要唔好去打
第7副本 聖王之墓 LV56-60 相信呢個副本會易刷好多 由於地圖細 雖然4隻王 但係對於封頂玩家黎講 升專/升咩都好 最好地方
仲有異化副本 但我唔知佢地會唔會咁早開放
關於60隱藏座騎 85%速度既座騎 大約你預1200金幣 去解任 觸發條件:該城聲望達50000 即全滿
該城座騎商會出現任務標志
另外 途中升LV時 去城既書商買本書做任 雜貨商都有得賣 裹面既書任亦有打怪既任務 升LV期間時半功倍
順路一提 每個新手職轉職地方唔同 如你開始搭船走佬 如果你想近D轉 升都要快一步嗎^^" 就要跟住以下去做
戰士 -> 走主部落皇城路
法師/僧侶 -> 走魔法之城路
射手-> 走機械之城路
卡戰玩咩職好? 以現時夢之樂章黎睇
卡40戰場PVP建議職:遊俠,刺客,狂戰,元素
卡50戰場PVP建議職:刺客,地獄使,聖騎,遊俠,祭司,元素
卡60戰場PVP建議職:遊俠,聖騎,狂戰
如果你問我升LV點升呢- - 我就答你唔到 不過最好順住做任務既指示去吧 因為果D任務帶有主城聲望
對你日後拎隱藏座騎非常有大幫助。
關於精靈升LV 精靈都會升LV的 除左角色之外 一開始會問你要你跟一世既寵物係做D咩 有整劍,鎚,斧,法杖,槍,弓,
戰士/射手/僧侶/法師制裝, 通常以採集才料/修行黎升LV 仲有樣野叫拆解 當你汁到一D唔岩用既裝備 拆解就好有用 將佢拆成一D有用既結晶 到時你合武器/裝備都會大派用場。 我發覺隻GAME都好似偏幫射手方向 制槍/弓寵精靈 升LV快D
點解? 因為佢地唔洗修行 整弓箭/整子彈就可以極速升LV 修行時間大約1分鐘度 整子彈大約幾秒 但得到經驗值就一樣 所以整槍/弓寵較有優勢
當然 你想玩咩職就應用咩寵物啦
去到21LV 你隻寵就會多左雙腳出黎
去到51LV 你隻寵就會多對翼
關於專精系統 即係超乎左角色於裝備/武器等能力 需要玩家努力打怪等等黎升 即例如狂戰+攻速 聖騎 減傷 刺客+爆擊機率 越升得多越見效 解決左因為錢而解決既事情 你地可以努力咁升專 懶果d人就要加把勁 通常都以副本為主要升專精目的地 入面有分配經驗 可以將打怪入面既百分比%各自分配 當你爆曬專精之後 連同你既裝備與技術 隨時做到頂峰殿堂級既人馬
由於每一條專精係3500000經 最多為10點
45專精有6個 2條專精=1點
60專精有4個 4條專精=1點
75專精有6個 6條專精=1點
各職優弱點
狂戰
缺點:有勇無謀形 暈技欠缺 只有一招沖撞暈 其餘只有一招盾擊 唔裝盾只有一招暈技 狀態技都係僵化將人行動力減低 仲有一招+攻速50% 但係自身承受傷害+15% 若然人地令你再陷入灼燒狀態 你自己可能承受+40%傷害 所以有犧牲。
優點:但係勝在大力 力量就是一切 仲有一d既破防技巧 可以一下沖暈人地就可以將其目標2,3下手腳擊倒。
聖騎
缺點:冇瞬間埋身技 到極後期先有一招將目標拖黎你身邊 被遊俠係咁磨又得 被元素地獄電呀 附下魔果d
同埋魔防都比較弱 只係頂到怪仔魔防 頂唔到元素使地獄使既變態魔攻。
優點:唔洗睇 係人都知高防啦 除左高防 玩騎唔一定要玩盾 可以玩盾再轉雙手劍打 可以高攻可以高防 攻守兼備
如果你d裝備去到極點 你都可以做葉問 1打10咁滯 但係都係要睇時機。
遊俠
缺點:低防 近戰 對於遊俠黎講 其實弱點都幾小 早期既遊俠就弱點多d 就係低閃 如果被狂戰一沖有可能出現秒殺既情況 所以就算遊俠既裝備強化至極點 都彌補唔到低防既弱點 所以我玩時都唔將佢強化至極點 慳錢嗎^^"
優點: 打怪秒 高輸出 殺人快 命中高 仲可以叫隻獵豹幫你咬人 到後期仲高閃 大力 淨係呢d優點已經好正呢 升lv都快好多 仲有跑速專精+乘 跑路都快過人 仲有一招抗暈必殺技 短時間幾秒內可以防止令你暈。
刺客
缺點:都係低防 遠戰已經遜色好多好多 同埋怕暈 一暈就=0閃 就會破綻百出 任人魚肉 所以都幾怕狂戰。
優點: 到中期時有最強既跑速專精 跑得快 有得"戰鬥隱循" 亦即係打打下人可以走左佬唔見人 陷入戰鬥都可以潛行 高爆率 大力 極高閃 殺元使 地獄使一流 如果高命中 遊俠都可以被秒殺 比人打唔中已經係皇道了。
元素使
缺點: 相對薄,豆腐,可能不堪一擊 但係後期會有減傷必殺彌補缺陷 後有70杖能力 有機會-100%傷 極強大
優點: 打副本神手 多功能範圍暈技 當坦拉好多怪時 元素一爆就可以清場 同埋魔攻技能本身命中特別高 唔知點解?? 官方亦無解釋 所以打刺客,遊俠都有一定命中 當然 仲有舜間轉移 同埋有破魔防等技能 多種暈技 可以將聖騎不堪一擊。
地獄使
缺點: 硬度與元素差不多 但係施法絕對一大弱點 好多職業出技都係立即施展 但係地使85%既技能都係需要經施法先可以放出 最快果招都要0.5秒 有d1秒 有d2秒 有5-6招係立即施展。
優點: 當然付出一定時間施法 出既技能當然有番咁上下 有破物防技,破魔防技,瘟疫,惡運(即60%機會使用技能失敗) 定身技 恐懼技 吸血技 林林總總 好討厭既技能 單挑可以控場 仲有+閃80%技能 所以打副靠佢打王都好大幫助 仲有佢可以叫寵物 地獄狼 劊子手 亡靈法師 地獄練魔 出黎幫手 好勁的說...
祭司
缺點: 早期算係薄 雖然全能型 但係都好單一化 冇乜暈技 所以樣樣野都半桶水 不過玩狼形態相對勁d 同人pvp就一般啦。
優點: 可以回血 變猩猩做坦 變狼做殺手 變飛鷹做法師 人型就當然回血 帶副本搵錢最強最快 又可以解負面技能
即地獄使d變態負性效果 有得潛行 高閃避能力 到後期更有減傷 所以能做到高閃 加ok硬既情況出現。
神官
缺點: 攻擊技得6-7招 缺乏攻擊 物理攻擊好似得1招
優點: 好多狀態加乘 攻擊,魔防,血量,減傷,爆擊 團隊中既提供超級大效能者 高物防高魔防 可以話係打唔入 圍嘔先會死 特別係元素使 完全打唔入 仲有封魔技能 令元素使,地獄使等魔攻系出唔到魔法技能 變左個薯仔係度走黎走去 打就唔得 但係好守得 如果有團隊中有神官應該好感恩 正因為小人玩 可能因為冇得殺人唔過癮 醫者父母心
回血都多過人 回血量比祭司仲要多好多好多 玩神官既人絕對非常偉大 我讚的。
記然40戰係由於快升 同埋用錢小 + 熱門 我就post小小相關要訣希望幫到大家
狂戰: 主拎雙持單手斧 以38橙斧+一把藍單手斧 有需要可以玩埋盾 係40你裝備全極點+9的話 你可以話係殺人機器
主要天賦: 輕斧鬥士 +2%爆擊 命中+5% , 天賦觸發條件: 斧專精+輕武專精
戰場乜乜者 +8%防, (適合用盾) 天賦觸發條件: 鎚專精+生命強韌+雙持武器
聖騎: 玩劍,鎚,斧都得 但普遍用斧多 38橙斧+38橙盾+40橙裝全套 大多你玩得勁d要3個先打死你就+9 玩鎚都可以
38有個隱藏橙鎚+聖光傷害+入聖光石 掉聖光彈扣人1000
主要天賦: 風之武者 +15%攻速 15%命中? 好似 天賦觸發條件: 劍專精+輕武專精+敏銳姿態
格鬥傭兵+10%攻速 閃+3%(暫時40最硬天賦) 天賦觸發條件: 劍專精+生命強韌+皮粗肉硬
遊俠: 40遊處於成長型 玩弓有優勢多 特別卡戰專武 38隱藏橙弓 能力+50%攻速+20%遠程命中合左呢把連一套40標準橙套裝 就可以係一件殺人神器 至於劍可以配答18橙手劍+28橙手劍 連次傷 做成很多傷害
主要天賦: 迅捷斥候 -仇恨15% 爆擊傷害+10% 天賦觸發條件: 狙擊+反射感應
刺擊勇士 命中+20% (打刺客,遊俠專用) 天賦觸發條件: 劍專精+反射感應
刺客: 主要以兩把單手劍為主 當精靈到達制劍38lv時 會出現一把特別多爆擊機率既刺客專用單手劍 就係果把 合曬兩把之後 連一套40橙套裝+28 有把+15%閃避橙槍 你就可以連技能去到100%閃差不多 甚至能做坦一職
主要天賦: 迅捷斥候 -仇恨15% 爆擊傷害+10% 天賦觸發條件: 狙擊+反射感應
刺擊勇士 命中+20%(打刺客,遊俠專用) 天賦觸發條件: 劍專精+反射感應
索命之徒 攻擊力+5% 命中+8%(但小左10%閃) 天賦觸發條件: 劍專精+至命爆擊+利刃爆擊
神官: 其實殺人都好難 不過有招主技能 不需施法 魔攻再+880傷害既一招 汁雞最好用
主要以28橙杖 及 38橙施法鎚+38-傷盾及38隱藏盾 為主武 而40橙杖就唔太建議 但係如果隊中有你既存在 你隊團隊會有多12%血既上限+同埋有12%攻擊12%魔防加持。
主要天賦: 律法捍衛者 +12%防禦力 盾牌格擋機率+15% (物防超強) 天賦觸發條件: 鎚專精+能量充沛+盾牌專精
傳教者 +10%魔攻 (得呢個天賦效果+最多魔攻傷害) 天賦觸發條件: 法杖專精+生命強韌
主教 施法速度+20%範圍回血技+20%治療量 天賦觸發條件: 鎚專精+生命強韌+聖光魔力
祭司: 其實主要行刺客路線 都係潛行間殺人 技能相對比刺客少 但係攻擊力比刺客高 爆擊力就比刺客輸小小 通常以全身藍裝+藍單手鎚兩把全加力量同體質 +39橙法器 +10%鎚類爆擊 40祭司就好似拎兩把鎚仔既刺客 但係技小d 但係大力。
主要天賦: 叢林之王 +20%魔防 天賦觸發條件:鎚專精+能量充沛+叢林鬥士
元素使: 如果裝比較令 全都+體質同智慧 有機會去到與狂戰同騎士差不多既血量 但弱點都係低防 如果選用40橙套裝 就會小血 但高魔攻 如果選40藍套裝(副本刷) 就會多血好多 主打武器40魔爆杖+藍字法器/-100%魔法傷害橙法器。
主要天賦: 魔導師 +10%魔攻+10%命中 天賦觸發條件:法杖專精+魔攻專精
大法師 +15%命中+3%閃 天賦觸發條件:連環魔爆+魔攻專精
地獄使: 大多以40橙套裝為主+40魔爆杖及-100%魔法傷害法器/藍法器及28沉睡杖 高技巧型 單挑時根本無與倫比 無人能剋 但如果戰場上太多人 你既施法就成為你既一大弱點 地獄使由於太多狀態技 付出就係每招技需要1秒-2秒時間施展 就成為弱點 但如果好好運用 定身技暈技等 絕對係40隻抽王。
主要天賦: 魔導師 +10%魔攻+10%命中 天賦觸發條件:法杖專精+魔攻專精
如果你問我搵錢呢... 少少奸商心得可以透露
首先你可以靠1200點起抵/升lv升上去
因為升lv升上去 任務金幣越多 可以藉機會收點 升lv升上去帶副搵錢 就可以起抵
日本武將名都有講 "本多終勝"
我係以前dj生存 都係靠走點品 首先我發現 用金幣去收取點品 發現一dkuso服飾/背飾特別令既福袋 或者 係魔化煉金土 係特別值錢 因為抽到好野 就自然得到好多人既買賣 而我就收左果d既物品 再去炒賣
千奇唔好叫頻 因為叫得頻 就遇左益左比人 點解?
因為叫得頻通常都會比市價平 所以我會e賴拍賣系統
拍賣系統係要交拍賣稅 但係 有不議價既作用 越有吊癮既效益 加上 魔化煉金土 係日任裹面+最多經 成為熱門商品之一 但如果一擺 就唔好擺太多 因為會滯銷 滯銷自然會跌價 如果拍賣場上你既野賣曬 就可以慢慢升價
950 比人收曬 可以加上960 最好少d加 有人買繼續加 970 如此類推 當然如果你5粒/10粒咁上既話 當然要比小小優惠而吸引d買家買多d 但要小心 唔係人人都拎到咁大筆既數目買到 所以 散賣/5粒咁賣係最好搵 當然都要睇時機。 如果你係蝕錢既 可能你選既福袋入面既野唔令 所以要留意下game上既潮流 正是你搵錢第一元素。 第二 要有耐性 唔係咁快就有人買到你既野 所以要等 不過論搵錢最好搵 離不開合黃字武 一把=3m-15m不等 時間快 我都曾經整過 但係有時太賭命 一合唔到就蝕得血本無歸 所以好講運氣 --"
第1 合黃 第2 抽野達人 第3 奸商 第4 帶副本 第5 帶升lv
由於就黎過2萬字 到時要開第2個post再講= ="
http://www.2000fun.com/thread-5314123-1-1.html
暫時係咁多 第時再有補充! |
-
總評分:
威望 + 50
Good + 29
查看全部評分
|
發表於 13-2-28 07:34 PM
very good 
