[想像題] 如果亞歷山大大帝當年再向東走

BenL2418

首先比亞歷山大大帝東征嘅最遠範圍圖俾各位睇



如果亞歷山大大帝當年再向東走，成功翻過吐蕃跟戰國七雄打起上黎，你地諗會係亞歷山大大帝贏定係戰國七

雄贏 ?

P.S.喺印度贏咗之後亞歷山大大帝軍隊已經厭戰搞到亞歷山大大帝要折返，所以喱條題目純粹虛構，無需過份認真。

思考例子論點 :

─戰國七雄勝利

‧亞歷山大大帝到達印度果陣軍隊已經都達極限，翻過吐蕃果陣軍隊狀況可想而知，可能跟秦國相遇果陣 ( 戰國

最西為秦國，秦國為首個跟亞歷山大大帝軍隊相遇乃最為可能 ) 秦國派軍已經掃走亞歷山大大帝軍隊。

‧面對更強大嘅亞歷山大大帝來襲，戰國七雄可能驚起上黎。當秦國西面嘅吐蕃俾強大嘅亞歷山大大帝掃低果

陣秦國又點會唔識驚，唔去聯絡六國？最後戰國七雄團結起黎擊退亞歷山大大帝。

‧亞歷山大大帝軍隊到達秦國果陣時已經疲憊不堪，只要秦國顯示其軍事實力嚇嚇當時疲憊嘅亞歷山大大帝軍

隊，亞歷山大大帝軍隊已經知難而退。

─亞歷山大大帝勝利

‧儘管亞歷山大大帝打贏印度之後軍隊已經疲倦不堪，但若果真係翻過吐蕃，戰國七雄繼續混戰而無視西來嘅

亞歷山大大帝，可能會俾亞歷山大大帝逐一打敗。

‧亞歷山大大帝軍隊素質驍勇善戰，儘管戰國軍隊素質都唔差，但當時戰力都非常分散，各國擁兵自重；就算

締造同盟，都係倉卒而毫無準備，軍隊之間都冇辦法即時乖乖合作，亞歷山大大帝軍隊最後都會掃走戰國軍

隊。

‧當戰國七雄聽聞到亞歷山大大帝軍隊由未知國度 ( 歐洲 ) 一直打到黎，即時膽怯不戰而降，就算打起上黎軍隊

都嚇走哂。

拿拿拿講明先，我冇諗過各位有需要認真看待喱條想像題，只求輕鬆討論下。你當做中史訓練又好、LS訓練又

好。當然你地可以否決我提供嘅思考例子論點，我完全冇諗過認真。都係果句：純粹虛構，非當真而不需認

真。

小洋少

好難講 要遠征 未必防到其他國打返佢西面

加上遠征要好多人力物力

萬一果面D人都識焦田 阿歷山大就GG了

殘弒ˇ逸

如果？呢個世界發生左既野講如果都無咩意思