本帖最後由 數碼暴龍 於 15-8-26 10:49 PM 編輯
特殊改造,就係用紅、藍改造石果d既改造
不論你藍改(S改)定係紅改(R改)~都總共分7級
由0階段一級一級升,升到最高6階段。
改造成功就升一級;升6階以外,改造失敗就降一級,而升6階失敗既話,就會令武器消失。
下面列出左升階既成功率
| 成功率 | 0升1 | 100% | 1升2 | 50% | 2升3 | 50% | 3升4 | 45% | 4升5 | 45% | 5升6 | 45%
|
以下呢內容將會探討:
https://docs.google.com/spreadsheets/d/1Fuc_tO53k-K6OLuVq8SbY3Dy7rdAHHo6-99rBy8HK40/edit?usp=sharing
以上係我用黎計呢堆數用既spreadsheet,有興趣想用既話可以去睇睇 下面呢個表係講緊 【你原本係第幾階,改造一次完之後,會變成第幾階既概率】
左手邊既藍色格係 原本第幾階, 上面既藍色格係改造一次之後會 變成第幾階, 白色格係發生既 機率。
簡單黎講,即係 原來打橫,之後打棟。
例如淺黃色果一格,係講緊由第0階升到第1階既機率。
因為0升1一定成功,所以機率就係1。
一開始我地把武係0階架,用1粒石衝到5階當然無可能 (所以第一行最後果格係0),咁如果我地衝多1次,結果又會係點樣呢?
當我地用左1粒石衝上1階之後,成功機率得50%,成功就上2階,失敗就變返0階。
如此類推~我地可以一次過就衝上5階既機會係....
原先0階,衝5次之後5階~即係睇第一行第六個數,即係淺黃色果格
大約20分之一既機會
用 9粒衝上5階既機率係......
大約5次先會有1次衝得上R5
而且,有 超過50%既機會 留起1階。
咁我想衝到上5階,即係要預備幾多粒改造石先夠?
下面呢個表就係答案。
第一格係代表由0階衝到5階平均要用幾多粒改造石,呢個表話比我地知大約3組。
以(當時)凱琳ser為標準,一組藍改大約150萬,1組紅改大約350萬。
3組既話~藍改要 450萬,紅改要 1000萬
跟住落黎,我地要計埋實零零碎碎部份,加起黎就知道平均要洗幾多錢~
5階段武器成本:武器成本(連同到寶石改)x1把+SR改費用+改造石數量x每粒單價
到呢度,我地只係剩返 SR改費用未計
因為每升階1次,除左要用改造石之外,仲要洗3萬(升至3階段前)或5萬(升到4階段或更高)。
下表係講緊【你原本係第幾階,平均要花幾多錢先到第幾階】
呢個表都係原本打橫,後黎打棟。
左手邊既藍色格係 原本第幾階, 上面既藍色格係 去到第幾階, 白色格係要花幾多錢。
從呢個表得知升5階平均要花 90萬
(不過,如果大家花得起錢衝5階段既話,呢d錢只係碎紙~重點都係改造石。)
呢部份最後就舉個例子作結:武器成本係1500萬,要衝到R5,平均要用(連武器成本)
1500萬+90萬+30粒x35萬=2640萬
換句話說,就係武器成本既0.76倍
雖然好多時候,值唔值都只係一種感覺,不過,如果要真係計既話,我地都要有一d標準比我地跟。
例如~效率、升階機會等等
因為大部人都只係會紅改,所以呢一部份我只係針對【暴擊傷害增加】黎講。
首先,我地要知道暴擊發生的機率係有上限(30%),
即使你見到顯示係超過100%,都唔代表一定會暴擊。
咁暴擊率過30%有咩用?因為敵人通常都會有保護,每1點保護可以抵消2%既暴擊率。
以下係一個例子:
如果我既暴擊率係100%
1。打一隻0保護既怪,因為暴擊率超過左上限,所以實際只會有30%既機率發生暴擊。
2。打一隻10保護既怪,因為有20%既暴擊率被抵消,所以實際只係當我得80%,不過超過左上限,所以實際只會有30%既機率發生暴擊。
3。打一隻40保護既怪,因為有80%既暴擊率被抵消,所以實際只係當我得20%,結果就只係得20%既機率發生暴擊。
4。打一隻60保護既怪,因為可以抵消120%既暴擊率,即係全部都被抵消,所以實際上發生暴擊既機率係零。
一般怪物既保護都唔超過40。因此,想實際發生暴擊既機會達上限既話,暴擊率110%就足夠。
跟住落黎,
我地依加要比較0階同5階既平均輸出,從而睇下我地值唔值為左所增加傷害而衝5階。
以下係計平均輸出既公式:
無暴擊既傷害值x唔發生暴擊既機率+有暴擊既傷害值x發生暴擊既機率
=無暴擊既傷害值x0.7+(無暴擊既傷害值x暴擊加乘)x0.3
如果大家暴擊技能R1既話,暴擊加乘=2.5+R改既暴擊加乘,
(R改既暴擊加乘可以上網查~)
以下係一個例子:
領住0階拳套既平均輸出:
暴擊加乘=2.5
無暴擊既傷害值x0.7+(無暴擊既傷害值x2.5)x0.3
=1.45x無暴擊既傷害值
而領住5階拳套既平均輸出:
暴擊加乘=2.5+0.5=3
無暴擊既傷害值x0.7+(無暴擊既傷害值x3)x0.3
=1.6x無暴擊既傷害值
即係增加左大約10%既傷害。如果用返上一部份最後既例子,
一把1500萬既拳套,並且衝到R5,平均要用1500萬+90萬+30粒x35萬=2640萬=武器成本既0.76倍。
所以,起呢個例子裡面,我地用武器成本既0.76倍換10%既額外傷害。 因為5階上6階同其他情況唔同,所以要分開兩部份黎講黎講~
如果 平均要用X次先可以由0階上到6階既話,
X=(1+衝到5階平均要用幾多次)x第一次5階上6階就成功既機率 + (1+衝到5階平均要用幾多次+X)x第一次5階上6階失敗既機率
我地知道衝一次5階平均要30次,所以,
X=(1+30)x0.45 + (1+30+X)x0.55
X=69
(或者可以睇下上面曾經出現過既表)
咁 平均要用幾多件武先上得到6階?
如果平均要Y件既話,
Y=(一次就搞掂)x(無爆過件武既機率)+(1+Y)x(第一次5階上6階失敗=衝爆左)
Y=1x0.45+(1+Y)x0.55
Y=2.22
如果計埋衝SR改既錢既話~
衝到6階平均要花 210萬
但係,明明5升6一次只係需要 5萬,點解我呢度會講到個數咁大呢?
咁係因為衝失敗左既話,就要從0開始,升到5階段要大約30次先上得到,所以計返條數其實差唔多。
去到呢度,你會見到5階上6階,平均黎講係比0階上5階難好多。
所以,按理5階上6階要洗既錢就會更多~
6階段武器成本: 武器成本(連同到寶石改)x 要用幾多把先可以成功衝上6階+ SR改費用+ 改造石數量x每粒單價
如果同樣一把武器1500萬,一粒紅改35萬 ,並且衝到R6,平均要用
1500萬x2.22+210萬+69粒x35萬=5955萬
換句話說,就係武器成本既3.97倍去到最後呢部份,我地會比較5階同6階既輸出同埋成本
領住5階拳套既平均輸出:
暴擊加乘=2.5+0.5=3
無暴擊既傷害值x0.7+(無暴擊既傷害值x3)x0.3
=1.6x無暴擊既傷害值
領住6階拳套既平均輸出:
暴擊加乘=2.5+0.62=3.12
無暴擊既傷害值x0.7+(無暴擊既傷害值x3.12)x0.3
=1.636x無暴擊既傷害值
計返條數大約係增加2.25%既輸出,但要再花費約武器成本既3.21倍。
|