是否有不好觀感

Enningli18

一個每天都在打遊戲的女孩會討人喜歡嗎?
好多人都說每天在家打遊戲很宅
可是我覺得這是興趣阿沒有不好

tangkaki

觀感係睇樣

25號

咁又點會
我從來冇嫌棄過右手

種子狗

有共同興趣不是更好嗎

缺心情

Enningli18 發表於 15-7-6 05:15 PM
一個每天都在打遊戲的女孩會討人喜歡嗎?
好多人都說每天在家打遊戲很宅
可是我覺得這是興趣阿沒有不好:smil ...

我很愛獨自一人，也很愛上網看短片，可是就很少用來打遊戲。不過只要我是這樣的人，許多認識或不認識我的人都會說我宅,毒，只是顧著打機之類的字眼。

我個人不認為有甚麼問題，只是他們很愛拿來說，帶有點取笑的意味。那我難道又要取笑他們整天外出，很愛去酒吧之類，就是性慾太強天天都要，去酒吧找合適的人上床(不過也不一定要在床上，廁所也可以)。

我認為這樣很無聊，各有各的興趣，為何他們愛飲酒，就一定要迫我好像他們那樣愛飲酒?正如我愛看書，也不會迫他們跟我看同樣的書。

25號

缺心情 發表於 15-7-7 08:22 PM
我很愛獨自一人，也很愛上網看短片，可是就很少用來打遊戲。不過只要我是這樣的人，許多認識或不認識我的 ...

比人話宅、毒咪算好囉
我平時夜晚好夜訓，一般三四點先訓（有重要野要做）
一般一訓醒既時候已經係晏就2，3點（冇特別野要做既話）
醒返之後都係用幾十分鐘上下論壇 online下啲game掛機（真係得幾十分鐘）
跟住又開始日對夜對既工作（不過都係好重要）
朋友約我我都成日有事甩唔到身（平均大概佢地約我十次廿次我出一次咁）
啲朋友一個二個以為我係啲乜柒隱世大廢青咁
不斷向我附近既男女性朋友傳送我係隱頹毒廢宅既觀念
久而久之連一啲同我唔咁熟既人都以為我終日隱蔽去打機做垃圾

我真係屌哂鬼都冇人信我做正經野

HeyHeiJar

25號 發表於 15-7-8 03:33 AM
比人話宅、毒咪算好囉
我平時夜晚好夜訓，一般三四點先訓（有重要野要做）
一般一訓醒既時候已經 ...

咩正經野

25號

HeyHeiJar 發表於 15-7-8 11:44 AM
咩正經野

寫下Program咁
學下C語言同時學下ruby
我既夢想係寫遊戲
描繪心中既世界

HeyHeiJar

25號 發表於 15-7-8 02:09 PM
寫下Program咁
學下C語言同時學下ruby
我既夢想係寫遊戲

我都想,但係自學又難
學校修個科ICT又教垃圾,好迷茫

25號

HeyHeiJar 發表於 15-7-8 05:20 PM
我都想,但係自學又難
學校修個科ICT又教垃圾,好迷茫

千其唔好揀ICT 絕對係條不歸路……
講自學其實java好易上手

KA-ar

靚女打機=萌
醜女打機=你食屎啦

缺心情

25號 發表於 15-7-8 03:33 AM
比人話宅、毒咪算好囉
我平時夜晚好夜訓，一般三四點先訓（有重要野要做）
一般一訓醒既時候已經 ...

我都係夜鬼，一樣都有試過俾人當廢青，只係因為我經常在家裡做自己想做的事，例如看書,上網看短片等。

講真，有D食軟飯既，D人都未當佢地係廢青，反而當我地呢D係廢青。重有好多廢中賤中，但係D人都當正呢D中年人係好人。D人既標準只係在乎係唔係係佢地面前做足表面，但係又唔好有野超越過佢地，哄得佢地開心就係好人，講真說話阻止事情發生得罪佢地(特別好多中年人做錯唔識反省，做幫兇當正常)既就係衰人。根本就完全唔分是非黑白。

我都係用電腦黎學野既時候，例如用黎學英文，但係完全冇一個人相信我，只係怪我打機打到黑，咁夜都唔死去訓掛住玩玩上腦之類。基本上我做咩都好，一樣都俾人話，話話下都已經麻木左。

25號

缺心情 發表於 15-7-9 03:43 AM
我都係夜鬼，一樣都有試過俾人當廢青，只係因為我經常在家裡做自己想做的事，例如看書,上網看短片等。

...

所以說……先入為主同成日對人圍威喂既好多都係啲社會垃圾
明明自己唔清楚仲要強制強加觀念比人，黎玩排斥
其實如果排斥都冇乜野……最on9係係背後搞小手段
唔撚岩key咪唔好理大家囉，係背後散播謠言
你知唔知最好笑係乜，係班傻西瓜平時見到我閃閃縮縮咁，好似怕隨時比我打柒咁
真係心諗正面搞鳩我既膽量都冇，搞小動作既時候又咁積極
呢種人一般好撚煩……做啲野又令人噁心
真係見一次打一次

缺心情

問題係如果呢D社會垃圾就住係你附近，重要差唔多成條村都係呢?真係會煩到嘔泡泡(昨晚在家先遇到對面兩個幾十歲既男女，話我痴線，我答返佢地痴得過你地咩?佢地呢D人又是煩到嘔泡泡)

係香港已經愈黎愈多呢D人，問題係 係香港亦愈黎愈多人當呢D野係正常冇問題，俾人煩俾人搞既人先至有問題，完全已經冇左分辨是非的能力，唔知幾時開始香港變成咁，難怪D人都移民去台灣之類既地方。

我細個真係好怕俾人排斥，但係從小到大一路受到呢種傷害，每次既傷害都好似刺青咁刺係個心到已經密密麻麻到冇咩感覺。大左搬黎住係到既時候，心想你地整條村當我透明我OK，唔好煩我就OK，我樂得清靜，我要拍手叫好，幾難得可以安靜(因為我出街都唔可以安靜，一樣會遇到呢D人或其他煩人，只有去D無咩人既地方先至可以安靜一下)。但係佢地口講叫全部人唔好理我之類，但又係要係到搞呢搞路搞左三年幾有多(開頭搞我係因為話我早上返學冇同唔識既肥大嬸打招呼，唔識打咩招呼?唔通D人出街睇到全街既陌生人會大叫同佢地打招呼?)，同佢地口講既完全唔同，令我好失望，難得的安靜沒，同埋佢地最鐘意就係搞到個個當係我錯同痴線，佢地係到扮曬好人(如果呢D叫好人，呢個世界係冇一個壞人)。

眾人皆醉我獨醒，但是眾人不許我獨醒，非醉不可，不醉便欺凌。唔埋佢地堆就黎搞事，重衰過D低年級小學生做既野，又會話超,佢生得靚果少少就睇唔起我地,狗眼看人低之類既字眼。

同你一樣既想法，我D惡鄰同街上有D人都係咁樣，明明個個都比我高大，個膽細到令我滿頭問號，不過呢D人一但身邊多幾個人包圍住佢，行過我既時候又會笑我幾冇膽怕事之類，我真係好似聽到一個笑唔出既笑話，一個幾十歲又高大又肥過我既人完全唔敢自己一個人面對面對住我講，只係敢幾個人包圍既時候重要經過既時候連看都唔敢看我係到講呢堆野，邊個怕事冇膽好明顯啦，佢都重好意思講同笑。好似我頭先去廚房倒飲料，有一個大叔行過聽到杯子聲音本來想向上望，之後發現係我呢家發出就立即把頭低到冇得再低咁行過(有D就真係知道自己之前係做錯左但唔認錯只係行過既時候低頭睇地做人，有D就係依然腦生草當問題係出自我身上同當我痴線怕我會殺左佢地咁樣低頭睇地做人)。

佢地點會認為自己做既野嘔心，佢地認為自己做既野好威，多人埋佢地堆就係勁，不過一睇到紋身男肌肉男就9秒9跑走，點敢去對呢D人做咩，佢地黑白不分,教壞細路,怕事,怕死但係又好鐘意玩埋堆,欺凌,圍威喂，又要威又要帶頭盔，但係佢地呢D大多數係幾十歲既人好意思講呢家D後生點點點唔得，我想講你呢D賤中廢中比果D後生既更加唔得。

唉，呢家掛3號依然都係要返工，掛8號一樣都要返工，除非掛9號=.,=。最好今天就把所有風球除下^^~

缺心情

話時話，你打算整個點樣既遊戲?

用遊戲世界來創造自己想要既世界都幾好，因為係香港對住呢D人同事根本就唔會搵到。

幾時人類先至可以好似1/2王子既故事咁樣直接入去遊戲玩?如果係咁，我估自己唔會出黎。

25號

缺心情 發表於 15-7-9 01:20 PM
話時話，你打算整個點樣既遊戲?

用遊戲世界來創造自己想要既世界都幾好，因為係香港對住呢D人同事根本就唔 ...

應該係幻想與史詩既大冒險

劇本同腳本都係我黎
希望有生之年可以完成到
因為同時2個崗位工作量超大
雖然工作量好大，而且成日比人誤會
但係我完全唔後悔
以夢想中既世界
黎帶比自己溫暖
創造每一個角色都係愛既結晶
單單努力已經令我覺得世上仲有溫暖

25號

缺心情 發表於 15-7-9 01:18 PM
問題係如果呢D社會垃圾就住係你附近，重要差唔多成條村都係呢?真係會煩到嘔泡泡(昨晚在家先遇到對面兩個幾 ...

因為我之前因為要睇心理醫生（唔好問）
啲人就小題大作……成日拎我咬人同打人既野黎講（其實過左一年）
見到我都畏畏縮縮咁，但係背後就搞呢搞路
我一嬲又扮哂好人咁勸我（驚比人打咁樣）
其實我諗住口頭屌一屌就算
跟住突然過一陣就會傳出我又打人既傳聞
當正我無惡不作咁
真係見正面淆，見背後大隻
咁既垃圾我年年見唔少
其實實在不足為懼
但係就係令人噁心

缺心情

25號 發表於 15-7-9 07:12 PM
應該係幻想與史詩既大冒險

劇本同腳本都係我黎

幾好呀，努力^^~叫咩名?
我自己鐘意玩遊戲，但係要我整就真係冇咁既耐性=...=

最緊要就係自己唔好後悔，呢種方式幾好，俾個LIKE你。
可惜已經冇野可以令我感覺到好似你所擁有既感覺，我已經麻木到好似真係只係生存等死。

25號

缺心情 發表於 15-7-10 08:50 PM
幾好呀，努力^^~叫咩名?
我自己鐘意玩遊戲，但係要我整就真係冇咁既耐性=...=

名仲未規劃好
因為劇本變動幅度好大
隨時唔知會改成點

But唔好咁易放棄
世界總有你既一席之地

缺心情

25號 發表於 15-7-9 07:22 PM
因為我之前因為要睇心理醫生（唔好問）
啲人就小題大作……成日拎我咬人同打人既野黎講（其實過左一年）
...

我唔打算問，因為呢樣野係你既私隠，你唔想講冇問題。至於我自己，我從小到大俾人迫俾人蝦到我都認為自己需要去睇，不過我屋企連開飯都有問題，又點會有錢去睇心理醫生，再講呢D蝦人既人更加需要去睇。

同你一樣，有D人一睇到我就閃得好開，又或者低頭走路。亦都試過有次收夜行到我屋企樓下附近，有個幾十歲老粗大叔感超重男同老婆(或者女朋友)(感覺一樣)著到好...唔知點講好，拖兩隻狗散步，一行近我既時候，個女好怕咁既樣，而個男本身都立即同個女既換位換都換唔切，個男既企係比較接近我既位置重要隻手拿住條狗繩勁實咁叫隻狗個名，其實d狗都唔怕我想親近我，我對d狗微笑，對佢地冷笑:「你驚我會殺左你地呀?定係驚我會打你地?」(因為呢到d人傳我係瘋，好大機會會打人殺人之類，係既我一早殺左全村既人)。之後個女既就係到取笑咁既表情，男既就雙眼張得很大，之後我一看個女既就立即收起笑容很怕的模樣找個男既身影去擋叫佢快d走，男既就叫佢唔好怕我地慢慢走。但係我聽到佢地根本就係快步走，係到忍笑。

你都叫好，扮好人勸你，我果d係扮好人黎蝦我之類，都怕我會繼續講佢地d咩又或者打佢地之類。

都試過有一日收夜一落車就睇到前面冇幾遠有個男既捉住個男既衣服係到爆粗兇佢，叫佢唔係係佢面前扮曬野，被捉著的男很快就跑走。當佢發現有一兩個人行過去望佢地既時候，佢都立即兇人地望咩望，係唔係想俾佢捉住件衫一份之類(有爆粗)。我行過既時候一直都係到望，佢係同我面對面對望，之後佢重有個一樣高大既男性朋友走過黎笑得好賤咁問佢我係到望住佢使唔使捉埋我之類，反正我生得咁細路又咁矮一手都可以的起我掉係下面(臭溝)，佢地兩個耳語左幾句之後，佢搖頭表示不要又大概表示我根本就冇做錯事之類做咩搞佢，就望左我兩眼同佢既男性友人和我保持距離的走去車站方向，我就回我家的方向。呢d人我認為ok，不過佢既男性友人掉在臭溝會比較好。

我同你一樣，d人當我好似精神病院出黎，當我十惡不赦(有次係車站真係有人咁講我，話我咩犯法既事都做齊，平時日日坐車係插隊，推人打人都試過)，呢d人我都冇怕，我只係認為睇到呢d人好煩，真係唔明點解呢d人可以生存係呢個世界咁耐，好人死得快，呢d咁既賤人就死極都死唔去。