電盈免費台改名ViuTV 明年4月啟播

wai1209wai

http://www.viu.tv
電視大戰---港視篇似乎已經落幕，港視播晒手上所有劇，收視亦愈跌愈有，港視主席王維基專心搞網購，無綫繼續一台獨大。

不過電盈嘅「香港電視娛樂」今年愚人節獲港府批出有效期為12年的免費電視牌照之後，終於，今日都公佈開免費電視台嘅詳情，仲會公佈台號，台徽同電視台名稱。

雖然係開台發佈會，不過陣容就真係稱得上星光暗淡，撐場嘅有邵仲衡，譚小環，周嘉儀，伍家謙，邵音音，黎美言等等。不過記招仲未開始，大會派發嘅資料顯示，佢哋將會改名係ViuTV，v分別代表「View」「Video」，「i」同「u」就係我同你咁話，而粵語數碼頻道號碼就係99。將會於下年3月底試播，4月經數碼電視頻道廣播。即係話o依家電盈分別有收費電視nowTV同免費電視ViuTV。

「香港電視娛樂」之前就表示營運首3年會投資近6億港元，首6年就投資13億港元喺節目製作等。