[退休人士]近兩日上番陣夢歷,想問下加陣仲玩緊既人點玩到落去

sck123

拳師新卡強度????
從月無缺出黎之後我就對拳師徹底失望,對呢隻新職無乜興趣,加陣當順便八掛下

係我夢歷退休前,我對夢歷十分失望,沖乜野爆乜野,抽乜野唔中乜野,千幾銀甚至幾千銀扔落去０提升
而且玩家既質素一直都令我十分「感動」
脫離得夢歷越耐再接觸番我先知道夢歷係一隻幾咁神奇既game
順便重溫一下講到爛哂既老話題
1.課金比官方基本上係唔會變強,不如去直接收玩家既成品好過
2.1活動/其他新野萬年不變毫無新意永遠消費抽,永遠擺脫唔到個抽字,機率亦難以言表
2.2.萬年BUG/系統問題,當一隻game竟然需求用BUG去造成遊戲平衡既時候開發唔死係真係都無用既
我第一次對開發呢兩隻字如此深感惡絕就係拜夢歷所賜
2.3.官方過去累積既錯誤實在太多太嚴重,親手掀起一次又一次無可挽救既退夢潮同惡果
官方過去既罪孽我唔一一細數了,舉一個到今時今日令我難以忘懷,甚至成為我退坑原因之一既例
係17~18年"發現"有某部份玩家長期利用遊戲程式既BUG/漏洞之類既存在,擅自複製道具/裝備/盾
而官方去到最後只係搵幾個人出黎殺雞儆猴就算了,甚至無對或無法對複製既道具進行處理
如果知道當時既情況或者細節,去到今時今日諗番起都係一件細思極恐既事
而同樣情況,係過去唔止出現過一次
2.4.最核心既外掛問題到去今時今日都仲未有任何改善,如果係一無所知既玩家實際上還好
但係對知道既玩家黎講實在係十分惡心,反正我唔會想玩
2.5.騙案層出不窮,但官方一直係度逃避提供被騙後既內部援助或協助,同時亦逃避提供官方交易平台
令玩家只能使用高風險既方式另找平台提供服務,最少有七成玩家被騙後只能不了了之
3.1玩家既質素同官方既質素問題,夢歷係開服去到之前基本上無語言限制,
就算你想問候人全家兼祖宗十八代連佢樓上樓下都唔放過既話,官方都係唔會彩你
但係之後突然開始做野既時候,令到玩家措手不及,甚至敵族之間瘋狂互相舉報
但係夢歷既文字系統…甚至去到今時今日都無處理好點樣屏蔽邊D字,簡直係笑死人
而所謂處理亦全靠玩家自行舉報,遊戲內並無檢查用詞系統既存在
3.2.客服GM拖得就拖避得就避,唔主動調查BUG,對新版本既測試充滿缺憾,
新版本實裝完之後所有野都係後知後覺,感覺對自己既瀆職毫無悔意,對造成玩家既損失一概不聞不問
(舉例：系統錯誤引發集體回溯，令玩家係該時間內沖到既裝備/抽到既野/甚至有物品消失,有證有據都無視)
………
打到呢度我真係無乜心機再打落去,有人有咩反駁既論點可以提出黎
如果將夢歷既系統/核心徹底updata,修復哂D問題,更改下過舊既遊戲模式,或者會我認真重玩
加陣?間唔中上去睇下就算了
呢個大概係我最後一個針對夢歷既字海post,實在係無乜心機
針對我個人既罵戰基本上以無視黎處理,若情況過多我會調高權限

題外話,本人目前已經轉戰陰陽師/官方世界rpg,所以夢歷加陣既事我擺到明係答你唔到