真心請教，回頭方法

cococar123

同個男仔已經分左手三個月
但係發現自己仲好愛佢
人地話時間沖淡一切
但係我呢杯茶（份愛）就愈放愈濃
一諗起往事/同朋友談及佢就忍唔住喊
我唔知個男仔仲對我有冇感覺，但係我知佢仲未有另一個
人地話好馬不吃回頭草
但我真係好愛呢個男仔
亦都有檢討自己既缺點
我唔想後悔
就算無自尊都要盡地一舖
希望各位俾d意見！！！！感激不盡

cococar123

回覆 sukiyaya 的帖子

多謝你既建議同鼓勵

我得既！

sukiyaya

回覆 cococar123 的帖子

因為我有試過、經歷過，所以會明白你的感受，亦都會知道固中辛苦。

既然此路行唔通，或者可以想下有咩方法。
只係，如果男方已經覺得煩厭，就要小心。
我諗樓主都唔想比佢討厭吧。

愛情在分岐路上，大多只有2條路。
1. 永不放棄，繼續努力。
2. 當嘗試過後，才發現冇可能，而想放棄。

應該唔少人都叫過樓主放棄吧。
其實~放棄並唔係一件咁容易的事。

我唔會叫你刻意去忘記，始終傷口都需要時間去癒合。
經過一d你倆曾去過的地方時，請不要傷心。
如果當成一個回憶去睇, 你會開心d。

冇一個人可以成功忘記過往的戀人。
你永遠都會記得佢，只差在感情不同了。

傷心的時侯，盡量去喊。但係喊夠的時間，就要重新振作了。
唔好比仲關心你的人傷心。

無論係幾大的傷口，都會有癒合的時候，但只差在係時間的問題。

不久的將來，樓主會遇到另一個更愛你的人。
你需要做的係，好好裝備自己，為遇見下一個有緣人而努力。

cococar123

多謝各位
我已經諗通左
放棄，無錯係一件好難既事
但既然對方唔想，而感情又係雙向
我無辦法迫佢
睇開d
又或者係不久既將來
我會遇到另一個人，然後相愛
結束係代表另一個開始
如果我一直困死自己，專注呢段吃力不討好既單方向感情到，反而再有其他幾好既機會我都見唔到
無可否認，被迫放棄係一件好殘忍既事
但係成長原來就係要從各種不如意既事之中學習，你可以跌倒，但你一定要企返起身
現今既我，唯有祝福未來既我同佢都搵到各自既幸福
多謝各位既解答

紫靈姬

我上一段感情，一齊左一年左右，果個男朋友要對我時可以好好，會鼓勵我同物質上既獎勵。
因為佢覺得我蠢，佢都會偶爾發下脾氣，而且可以為左好小既事情鬧得好薑，然而就提出分手。
每一次我都會喊住苦苦哀求，最後都無事。
佢性格比較易燥底既人，同佢一齊時候說話都要好小心，好怕一唔小心踩中地雷就會爆。
久而久之溝通上就出現好大問題，結果最後分手係一次約會睇電影，都係因為大家溝通而導致真正分手。
當時真係好後悔當然無好好溝通到，但係最後佢就提出冷靜一個星期，係呢一個星期裡面真係好掙扎，唔可以搵佢只能等佢搵自己。
有時會睇佢whatsapp狀態同wechat狀態一有改任何內容就會係度諗係咪話緊自己，係感情上出現問題就會完全陷入癲瘋期。
係七日裡面，有一日見到佢wechat個狀態改得好曖昧，就立即係whatsapp度問佢，佢既回應好冷淡，然後就話我check佢，原本上等過幾日後無事就搵返我，而家我呢個訊息令到佢覺得我好可怕，話無可能再一齊，叫我搵過第二個，不斷講更多難聽既說話想我死心，個刻就算不斷求佢都無可能令佢氣消，所以到最後我決定話我會等佢回心轉意為止。
事情相隔到現在已經差不多十一個月了，期間佢間唔中都會whatsapp同我傾一、兩句，然後就扯返因個件事而分手既事情再講，每次講完都會好嬲。亦都同時係呢段時同一個識左幾年既朋友反左面，無再聯絡。而令我深刻體會到，當初我男朋友有幾頂唔順我既蠢，因為我自己都頂唔順一個蠢人，一個有老婆仲想一腳踏兩船，而且仲想老婆接受第三者既衰男人，以死威脅老婆原諒自己，真係完全感受到蠢有幾難忍。
直到分開半年後，我最後都係違背諾言放棄了，兩個唔夾既人走埋一齊只會兩敗俱傷，經常提分手，最終也會成真實。
直到八個月後，我認識到現任男友，有一日佢係whatsapp狀態見到我既內容，就問我係咪已經有男朋友，我回應：係，佢就話你當初又話過等我，結果呢？搞到我做左八個月傻仔，我就將朋友件事情講述佢知道，我終於明白一個人頂唔順蠢人呢個道理，同埋呢一年來我都係無好好同佢溝通過我自己真正想要既愛係點，我都會想有一個我想為互相可以溝通到，唔係單方一直忍讓，另一方就得寸進尺，毫無餘地去怪責你既人。
我可以明白到既係，我當初係愛佢，只係大家既生活溝通方式都唔岩，我只係想留住最初既感覺，先想求佢同我再復合。
如果有得重新再來一次我都依舊會咁做，唔係既話點會知道有呢個教訓呢。
兩個人一齊真係要相處過先知道大家適唔適合彼此，愛情裡面有時要預左要受點傷，先會識得成長同預防唔好再撞板，總會有啲人要拍幾次拖先會遇到對的人，也會有啲人拍一次就可以，不過只係你對人好，當中故事只有當局者先會知道，想愛情恆久先學識珍惜彼此，互相忍讓，堅持對對方既愛，有咩事都要溝通好，可以做到哂，咁就算將來有咩冬瓜豆腐只能怪對方唔識珍惜你，你並無錯啊！

紫靈姬

太耐無玩- -''麻煩dele呢一個回應!!thanks

花濺淚v3v

照你咁講
其實對方經已心死

朋友比網友更加熟悉你既case
佢地叫你放棄　你應該聽佢地講

感情勉強無幸福
就算佢真係同情你可憐你
所以同返你一齊
呢d真係你想要既野?　你得到之後會快樂?

其實我地一日未走到生命盡頭
永遠都唔會知道最愛既人係邊個
唔好沉溺係往日既傷痕裡面

年輕既時候　每一次拍拖
都認定對方係最愛
都認定對方就係最後一個情人
問心果句　拍咁多次拖
個個都話係最愛　到底邊個先係最愛?

你放棄一段死左既感情
先會有機會展開另一段新既感情
分分鐘遇到下一個更好、更愛佢

唔好灰心啦
時間會沖淡呢d傷口
情傷其實好少事
唔好刻意將悲傷放大

cococar123

sukiyaya 發表於 2013-5-21 21:52
回覆 花濺淚v3v 的帖子

隔左3個月, 一段時間後, 人和事都會變。
但係, 其實係可以扭轉命運的。

因為我試 ...

我連追佢既機會都無。。。
如果再煩佢。。。就會連whatsapp都block，我唔想聯絡都中斷。。。
本來想打返機同佢培養返感情，但係讀緊書呢排真係好忙，屋企又唔俾我打機。要打機唯有落網吧，我無時間陪佢再玩新ser
可能呢個係個自私既決定，但係我都好難過，我唔想再因為打機俾屋企人趕出屋企同打。。。
當初識佢幫我戒落網吧。。。我一打機真係會沈迷果d。。。唉。。。佢話同我一齊根本幫唔到我。。。其實佢唔知無打機之後我已經俾人打小左好多

cococar123

sukiyaya 發表於 2013-5-20 18:05
回覆 cococar123 的帖子

如果你仲係中意佢的, 而且佢仲係單身, 又冇對象的。
你可以試下追反佢。

但係會 ...

嗯。。。你講中曬了

cococar123

冷月明 發表於 2013-5-20 12:39
其實我都想繼續回覆呢個pst,,
但樓主都唔知去左邊呢

呢幾日試過挽回
但係分左手佢問我點解仲要搞禁多
令佢好煩
請睇我上一個回覆
我都唔知我仲可以點做

cococar123

花濺淚v3v 發表於 2013-5-20 01:20
我以前都係咁
成日將分手掛咀邊

曾經以為
衰過一兩次之後
就唔會再犯多次呢d幼稚既錯

點知又係犯左
仲 ...

已經盡左最大努力。。。
結果係佢話佢已經放低左我
佢唔會再重視我
如果我再煩佢
就連朋友都無得做
我依加只是係普通朋友呢個身份
其他朋友都勸我放低
但係我真係唔捨得
點解一個機會都唔肯俾我再試
我話我會改
佢就話唔需要
我明白  感情無得勉強
但係我真係放唔低
我唔知仲可以點做

sukiyaya

回覆 花濺淚v3v 的帖子

隔左3個月, 一段時間後, 人和事都會變。
但係, 其實係可以扭轉命運的。

因為我試過。分手由我說出, 追反人都係我. 同樓主一樣都係隔左3個月.
但係重新追過 真係好辛苦, 唔係人人都可以涯得過, 要有一定決心先好做.

慶幸的係我可以成功追反我男友, 而家繼續甜甜蜜蜜中.

花濺淚v3v

sukiyaya 發表於 13-5-20 06:05 PM
回覆 cococar123 的帖子

如果你仲係中意佢的, 而且佢仲係單身, 又冇對象的。

隔左一段時間
b已經唔再係以前既b
可能已經係b2 或者b3
甚至係做左c

感情好容易影響一個人去作改變

kafai1725

1.直接同佢傾下,講返依3個月,有幾掛住佢,知道自己有錯(正規)
2.出現係佢身邊,態度同未分手前一樣,好似冇事發生過(偏門)
成功與否就睇你個男朋友,其實仲有冇愛你,只要有一絲絲想復合,你就成功~

sukiyaya

回覆 cococar123 的帖子

如果你仲係中意佢的, 而且佢仲係單身, 又冇對象的。
你可以試下追反佢。

但係會好難, 而且唔一定會成功。過程中可能會好痛苦。
如果你覺得ok的。就算衰左都唔會後悔的。
你可以試下。

另外，想講一樣野。
如果你係中意對方的, 就試下改左自己d任性同脾氣。佢唔係你屋企人, 冇責任全部承受你的懷習慣。

關於開口埋口講分手e個問題。你清楚了解你男朋友之前的感受的, 可以幫到你挽回佢的心。
e+時光倒流 兼掉轉角色。男係a, 女係b
如果係a日日同b講分手，b每次都要做哄的角色。有一日 b覺得好累了，所以真的放手。
但隔左一段時間，a又反黎搵反b。你估b 此時會點諗?

冷月明

其實我都想繼續回覆呢個pst,,
但樓主都唔知去左邊呢

花濺淚v3v

cococar123 發表於 13-5-18 02:09 AM
回覆 KA2837 的帖子

當初係我脾氣差

我以前都係咁
成日將分手掛咀邊

曾經以為
衰過一兩次之後
就唔會再犯多次呢d幼稚既錯

點知又係犯左
仲要唔只係一次
係好多次

我自覺到
係我自己將一d好簡單、可以解決既小事放大左
將當中既負面情緒放大左
係我做人唔夠樂觀

愛情既哲理真係千言萬語都講唔晒
有d說話就導人向善(樂觀)　值得參考
有d說話就導人向惡(悲觀)　要靠自己過濾同思考
要自己保持住一個樂觀既心態去面對感情

你呢個case
最重要都係五個字：珍惜眼前人

無人話過好馬唔可以吃回頭草
係愛情面前仲要計較輸嬴
我認為你唔係一個願意為感情犧牲同受傷既女仔
不過咁　做人總要提醒自己
好多野都係靠自己雙手爭取返黎

當你有一個想法既時候
世界上已經有1000人諗到
已經有100人正努力試圖要實現出黎
已經有1人成功左

所以
唔好猶豫
好多野未試過你係唔會知
分分鐘個男仔仲係中意你

你個case慢慢同你跟進啦
三言兩語講唔晒
想我覆返你　記得要用「引用」

　

花濺淚v3v

我沒有傷心　我沒有不開心
愛情未值得不理智奮不顧身

弱旅才會需要到憐憫
我如尚有一口氣也能重新做人

沒有氣憤　拒絕做犧牲品
愛情上跌一交(竟)誇張到成為缺撼
實在難忍
(但)講真　情侶轉個別人　隨即興奮

ＭＡＮＤＹ

樓主主動搵返個男仔啦,,唔好令自己後悔呢...

KA2837

cococar123 發表於 13-5-18 02:09 AM
回覆 KA2837 的帖子

當初係我脾氣差

其實你只不過係未習慣冇咗另一半啫~

而且又未遇到新對象, 所以咪緬懷過去囉...