活動構思

心願與你

A: 抽獎唔錯，但就唔好買點抽喇... 我一定唔會玩... 相信玩嘅人都有限...
最好就做每日任務拎啦，麻煩啲咪當樂趣。難搞嘅話咪掛機 N 個鐘囉。
出啲嘢唔該唔好太垃圾，嗰啲乜「守護天使之祝福」就真係等畀人插。
最好就係一啲相對罕見嘅嘢。
例如話：
*「萬聖節塔羅卡 [幽魂]」、「萬聖節塔羅卡 [傑克]」、「萬聖節塔羅卡 [伯爵]」，但係永久嘅，唔限使用時間、活動後又唔回收嘅；
* 無限次使用嘅「哈囉喂變身護符」；
* 爆炸頭、鳳梨頭；
* 稀有嘅限量版寵物：跳荳、福鼠妖球、偵測儀，等等等等...
* 充滿萬聖節氣氛嘅特殊寵物：「哈囉喂變身護符」可以變到嗰啲，又或者死地入面嗰啲怪物都唔錯。

如果話怕啲人開好多人仔嚟刷嘅話，又真係唔係幾好，一係抽啲嘢全部都無法交易。

B1: 都係嗰句啦，搞拍賣又係土豪嘅世界。從中得到樂趣嘅又有幾多個人？
幻想下喺現實世界搞公開拍賣，拍賣遊艇跑車、珠寶名錶乜乜乜，你自己作為一個爛鬼打工仔受唔受落先？
自己都唔係細路仔啦，用個腦諗一諗都明...

B2:「傳說中的 戰鬥魔性盾」就最有吸引力，武器服裝都得。
但最好就已經鑑定咗，否則貴一貴拍返嚟，一鑑係垃圾就真係好笑。
至於魔性盾有乜效果先唔係垃圾，就睇你問唔問埋落去喇，每個人嘅答案都會有啲差異。
坦白講，可以自己度身訂造嘅傳說中的戰鬥魔性盾就肯肯定係最高吸引力。
不過都係嗰句啦，土豪專享嘅嘢，搞嚟只會多怨氣。

P.S.
我唔知量產咗爆炸頭、鳳梨頭嗰啲得個睇字嘅物品有乜唔好處...
正如話，當初睡衣+15十個土豪都未必有一個會有。睡S一出，量產咗又係咪對嗰啲土豪唔公平先？
定係話呢個世界就係得嗰少部分人有，周圍個個都冇、個個都羡慕自己、個個都要高價同自己乞賣先叫公平？
如果話乜搞壞嗰市，咁唔該自己就以身作則，唔好用啲睡S雞S海S同埋衝出嚟嘅卡。
嗰邊廂幫手搞冧人哋個市叫好，呢邊廂自己個市畀人郁一郁就嘈。雙重標準，賊喊捉賊。
同埋，隻game係為所有玩家而存在，唔係為咗嗰少部分玩家所霸佔住嘅所謂「市場」而存在。
你可以有人哋冇嘅嘢，你有錢你任性係你自己嘅事，冇人需要為咗你嘅自私虛榮心而去遷就你。

心願與你

回覆 官方小雲 的帖子

如果唔出消費活動…你真心覺得大家可以有遊戲玩嗎…？

消費活動：其他活動 = １：１，我諗少咗好多人嘈。

而由於原廠警告過我們不可以賣捉唔到既稀有寵物，所以也不會考慮。

跳荳、福鼠妖球、偵測儀 <-- 至少呢幾樣絕版嘢 OK 喇啩？雖則我已經有跳荳。
我諗係因為 N 年前亂咁派大菲菲嗰單嘢，你哋先會畀原廠警告嘅啫。