室內設計助理1.5yrs工作經驗，轉公司難唔難?

□艾爾維斯□

如題，本人打算出年新年後就換公司，
原因都冇乜特別，就算係裝修旺季想穩定少少1星期有1日假放，唔想成日踩2-3星期先放得1日...
同埋想見識下其他公司既行政模式。
不過我老闆，師傅成日就話冇學師2年，你轉邊度都冇人要..
但我等做夠2年，又到旺季，尼D時間走又俾人話25仔。
最理想都係人地淡季冇生意走..你好我好甘。

所以就想睇下大家既意見。

壺一v一

已做2個月廢青, 黎緊十月底去旅行, 十一月搵工.
不過,
支持你
之前跟我班師傅說大約果行冬天先係旺季
過埋年, 睇下有幾多人工加, 同有無分紅先啦~

□艾爾維斯□

回覆 littlehin 的帖子


我自己就冇心頭高既，都知自己唔係全部識哂，出去都係打算做多2-3年助理先轉正試。
我出年換公司就26歲。

淡季其實就農曆年後1-2個月就少d生意。
所以先話你走就新年快走，公司冇野做請返個人教都有時間甘

□艾爾維斯□

壺一v一 發表於 15-10-9 12:34 AM
已做2個月廢青, 黎緊十月底去旅行, 十一月搵工.
不過,
支持你

做夠1年加幾舊水人工，OT冇水補，俾你儲假，但新年公司差唔多休市10日，
就幫你扣哂佢甘。

分紅有多左D，但公司數簿，出數大多數都經我手，今年市唔好，分紅略計過雙糧都冇。要一單job過左一定既金額先有得分。
我公司出紅唔出雙糧。

BTW，我知道畢業識既野唔多，做一個月野果時就知道乜事。但成日返工返到甘哩，早返遲放，冇假放。

主要我返尼度都係服務性行業，受老闆師傅氣事小，都係自己經驗唔夠冇得講，遇到極品既客，佢黎坐一日，你果日真係唔洗做野……

見客，度呎，畫圖，on site，計單，訂料，收貨...etc。
樣樣都要做…做唔哂自己諗辦法

我見我同學返，又唔係甘，人工多我5k。
假期正常放…OT少過我，米想睇下跳出去睇。

係我太屎先返到甘，定係公司行政唔同。
尼份係我第一份室內設計既工，真係無從參考。

□艾爾維斯□

littlehin 發表於 15-10-9 05:37 PM
睇完你果個帖.....嘩.....你做咁多野.....
唔只助理咁簡單.....
難怪你頂唔順.....

公司人少到喊…冇計。
雜務多到呢，有時客裝修屋企留野，
就清拆前要去幫佢地包好or拆落黎帶返公司個倉……
唔洗師傅拆既野都係我去做，
有時唔算太忙就幫師傅搬下架餐，買用品。
我明唔少野要識，有時都唔出聲做埋佢就算，自己經驗唔夠，又係女仔，各方面都輸人一等。
唯有自己用努力補救。

聽到你甘講，我應該的起心肝試下換公司。

□艾爾維斯□

littlehin 發表於 15-10-10 12:38 PM
回覆 □艾爾維斯□ 的帖子

轉工可加人工,升職

最主要都係老闆都肯俾我入左行(佢都係女人)
我仲跟緊3個客，有2個客關係都唔錯
甘樣走左去，其實就唔止影響我老闆甘少..
因為你跟左既野人地唔一定知道。
甘走左去就真係正一25仔- -"

不過加唔加人工都係另一回事..至少唔好少過而家

係入尼間公司之前我就黎見工見到驚，
一黎我生得普通，一見工就俾人暗串唔夠樣好。

二黎見你係女仔，就一開口就問你會唔會同佢打成世工， 一定唔走，
轉個圈講有緣米同你打成世工，就俾人話厄佢 點答都死。
如果我死左、殘廢左，你唔通唔炒我= =?唔明問尼條問題既HR個腦既結構，
我係有返PART TIME，都係做學生仔果時返，時間唔長實緊架啦。有得返米做冇得返米搵第份好正常，
你想一個學生點樣返一份PART TIME，考試多功課，唔俾放假米揀唔做，人地公司請到FULLTIME就唔要你架啦。乜一份工，做學生果時可以揀打一世工既咩= =?
二黎畢業之後我唔知其他人點啦，但係我要養屋企，唔可以冇工，甘返住臨時散工(可以隨時走)
黎搵工都好正常姐...一見到你返住唔係室內設計既工就質疑你唔係想做尼行，屋企要食飯，
夢想唔可以當飯食= ="

三黎HKDI(IVE)畢業好似俾人印象係好廢好唔店，有D老闆就話見IVE仔一定唔請，
只係HR安排錯甘樣講。見工問你實幹既野，你唔識答，就當然係甘先。

返學都唔會真正教你畫傢私圖果D野，D阿SIR HEA 下 HEA就當有教，投訴米投訴唔教就唔教。
其實連點樣為止一份似樣既圖都唔知..點會識畫。如果有提過要識相關既野，我地都唔自學， 就抵死啦！
好多結構既野學校都唔會教，成日都話創意行頭，出左去做野冇甘多創意。
其實我覺得冇創意實緊，邊個會俾人裝修間屋到得個樣又唔實用丫...
創意尼樣野要實用方面都兼顧到先係創意，實用都兼顧唔到叫獵奇丫

真係肯教書既老師都係IT既老師多...但就變左搵工只可以出3D 圖..選擇又少左

係甘既情況下有人肯請你尼個新米，有經驗果時就走左去，走都揀時間走..大家日後好相遇
而家D人唔多肯俾機會人同埋幫人，有人肯幫你，
點唔好都要心懷感激，機會唔係必然。