爐石歷史與趨勢 (一至二)

harveyin

爐石出到而家，曾經有好多版本推出。而呢啲版本全部都係魔獸世界入面一啲好有特色既事物黎，並且用卡牌既方式係爐石入面展現出黎。而兩集既《爐石版本史》，小編將會同大家回顧一下爐石由出到而家既一啲版本同果個版本既特色！

「死亡之聲」版本 ─ 納克薩瑪斯

納克薩瑪斯呢一個地方係巫妖王旗下冰巫「科爾蘇加德」既據點。而呢一個版本，亦一如有大量不死族既天譴軍團咁，推出左大量既「死亡之聲」手下同納克薩瑪斯入面既BOSS級怪物卡牌。而呢個版本亦係「死亡之聲」卡牌最受歡迎既版本！
當中最受歡迎既「死亡之聲」卡牌就好似「瘋狂科學家」、「伏晨」同「史塔拉格」咁，好多獵人、法師都會用上呢幾張卡牌。除此以外，呢個版本其中一個傳說手下「瑞文戴爾男爵」更加可以將場上所有手下既死亡之聲觸發2次，係果個時期，「瑞文戴爾男爵」大概係4費區間內最致命既手下！
「機械」版本 ─ 哥哥打地地

哥哥打地地，大概係最多人會唔明點解既版本名。但佢實質既意義呢，其實就係哥布林打地精！作為魔獸世界入面工程系既兩大翹楚，屬於佢地既版本當然唔會少得大量既機械同零件亂飛啦！所以係哥哥打地地呢個版本入面，有大量既機械手下出現，仲有專屬於哥哥打地地版本既「零件卡」出現添！
而呢啲「零件卡」，係會通過手下既戰吼、死亡之聲，或者係其他獨有效果取得，可以用作增強手下既能力！
「龍與戰吼」版本 ─ 勇闖黑石山

黑石山呢一個地方，充滿住黑鐵矮人、龍類，同火元素！而結合各類型既戰吼，就成為左呢一版「龍與戰吼」版本！
講得係「龍與戰吼」版本，當然少不了大量唔同既龍類同戰吼啦！回顧當時，最受歡迎既龍類就有可以將下個龍類手下消耗降低既「龍之伴侶」；手中有龍類就可以造成3點傷害既「黑翼墮落者」；同回合結束時將手中卡牌消耗全部降低1點既「索瑞森大帝」！
「激勵」版本 ─ 銀白聯賽
銀白聯賽係銀白十字軍係進攻冰冠城塞打敗巫妖王前既一個團體演練，而當中有大量以軍團、騎士為主題既卡牌推出！「激勵」呢個效果，更加係呢一個版本度推出添！
係呢一個版本,最受歡迎既卡牌莫過於係「審判者瑪瑞爾」啦！「審判者瑪瑞爾」可以將原本非常雞肋既英雄能力變到非常強大，基本上係果陣戰士、牧師既必備之物添！
「考古」版本 ─ 探險者協會
「考古」版本既探險者協會，當中有好多以矮人為題材既卡牌推出，因為矮人呢一個種族，係非常之鐘意周圍探險同尋寶，所以更組織左「探險者協會」係世界唔同地方到處發掘失落既寶物添！係呢一個版本，大家可以搵到好多好有考古特色既手下，當中更有強大既協會人員加持添！
當中最受歡迎既卡牌，不外乎係「布萊恩‧銅鬚」同「里諾‧傑克森」啦！「布萊恩‧銅鬚」既被動效果，係可以令佢在場時打出既手下戰吼都可以觸法2次，配上強大既戰吼，將會令有戰吼發揮更加既影響力！而「里諾‧傑克森」呢，就係果個時後大後期單卡牌組既神物黎，因為「里諾‧傑克森」可以令度過前中期非常虛弱既英雄回滿血！令已經用盡全力企圖擊殺玩家既對手前功盡棄！

harveyin

爐石歷史與趨勢 (二)黎到第2集既爐石版本史，將會講下比較近期既版本。好似古神碎碎念到而家新出既狗頭人與地下城版本，到而家都仲可以係標準模式中使用架！

古神現身版本 ─古神碎碎念

古神既力量會使人瘋狂，並將類似觸手般既生物寄生在信奉者既體內，而呢啲就係古神。呢一個版本幾乎為爐石帶來極大既變革，而呢一樣變革就係以古神為核心，利用各類手下或者係法術令古神非常強大，再一舉將對手擊垮。
而所有既古神，都幾乎一樣咁受歡迎。「尤格薩倫」，受到法術型玩家既青睞；「克蘇恩」同恩若司，則係死聲流大後期玩家既愛用卡；而亞薩拉懼，則係「單手下+人多勢眾+巴奈斯」既超早期10/10版組既核心古神。
職業加強版本 ─ 夜夜卡拉贊

講得係職業加強版本，其實「夜夜卡拉贊」就係一版將各個職業既流派作一次大加強既版本。好似德魯伊既「野獸牌組」；法師既「秘密牌組」；薩滿既「圖騰牌組」同術士既「棄牌流牌組」，係果時都變得非常之炙火可熱。
除此以外，「野獸、龍與魚人牌組」，好多唔同職業既玩家都會將呢3個種族既牌組合係一齊，再用卡拉贊既「野獸、龍與魚人牌」去強化呢啲手下，為遊戲前中期留下奠定性既戰局。
「三派鼎立」版本 ─ 加基森風雲

加基森風雲主要分左為3個流派，分別係：「玉蓮幫、汙手黨同黑謀會」。玉蓮幫擅長召喚日漸強大既翠玉魔像助戰；汙手黨則擅長強化手牌，令效果好但數值差的手下有上場的機會；而黑謀會，則係鍊金術既好手，利用唔同既自制既藥水去達成唔同既法術效果。
而有啲牌組好似係「翠玉德」，至今仍然有好多人使用。
演化與任務版本 ─ 安戈洛歷險記

安戈洛呢個地方，充滿住大量兇猛既史前野獸，同各種煩人既元素生物。理所當然地，野獸同元素卡牌就成為左呢個版本既主角啦！
而且唔止咁，因為安戈洛呢個地方與世隔絕，呢啲史前野獸為左適應唔同既環境而慢慢進化，從而衍生出唔同既能力，而呢啲能力就體現左係「演化」呢個效果上面。「演化」呢個效果，係可以俾玩家臨場以3選1方式決定野獸既被動效果，以適應唔同既環境。
而呢一版大部份既新手或者法術都非常受歡迎，但如果一定要提最受歡迎既類型的話，咁就一定係呢一版出既「任務牌」啦！「牧師任務」、「戰士任務」、「盜賊任務」，到而家呢一版都仲有好多玩家會放到牌組之中！
巫妖王現身 ─ 冰封王座

巫妖王可以話係站於「死亡騎士」既頂端，但巫妖王阿薩科連同佢死亡騎士英雄，最終係以手下同新英雄方式現身於爐石之中。而新版本英雄，亦係呢一個版本最大既特色之一。最受玩家們青睞既死亡騎士英雄，有萬用型既德魯伊英雄「『疫病蟲王』瑪法里恩」、機槍流打臉昸牧師英雄「『暗影死神』安杜因」、創造死靈野獸既獵人英雄「『死屍獸王』雷克薩」，同埋元素吸血流既法師英雄「『霜巫』珍娜」。
號召版本 ─ 狗頭人與地下城

最新版本既狗頭人與地下城，係一個以狗頭人同佢地既財寶為核心既版本。當中咁就梗係唔少得狗頭人既卡牌啦！
而當中最為眾多玩家注視既，當然就係「號召」呢個既新效果啦！「號召」效果可以將自己套牌入面既手下直接召喚到戰場而唔需要任何法力水晶，係一個好強大既效果黎。但當然啦，召喚出黎既手下通常都有會係某個特定區間既(例如會在某個費用以上或以下)，所以會召喚到啲咩手下，其實都係可以控制既！

Superkasa

這個版本太悶了