反 GC 港版既人入黎睇睇

小可樂

以上文章的立場為中立，沒有偏幫某一方面

當我準備發呢篇野果陣已經預左實有好多人一齊 SM 我鬧我既,
有人可能會話, 咁你就咪發啦, 或者, 你咪扮偉大啦
至於我有無講中你睇完既回覆我就唔知啦

不過, 對反 GC 港版既人, 我真係要講一講...
首先問下大家先, 點解你地認為 GC 會做得差呢?
封外掛封唔掂? GM 態度差? 太商業化? 定係香港版o既玩家質素差喇?

首先講一講外掛呢方面, 講真, 外掛都係玩家製作出黎, 以香港 GC 既科技黎睇,
我覺得 GC 已經係香港咁多間捉外掛捉得最好既一間黎...

GM 態度問題呢...呢樣我見到香港差唔多間間都係咁架喇...
唔怕同埋大家講...本人係做論壇界的...而我都認識好多製作論壇既人...
佢地都係會同官方合作, 而 GM 既態度都係同對玩家既一樣, 保守、冷酷、無情、嚴肅、態度差,
因此佢地多數都幫d網路代理商起哂花名, 雲狗、爛橙、豬屎等等...
但係比著你如果你係官方既話, 我諗你見到d玩家咁高要求咁煩, 我諗你個反應都係差唔多,
沒有辦法, 這只能說這是大部份香港人或中國人等的質素...
而點解我要咁講, 陣間講到係咪香港玩家質素太差時會講到...

至於太商業化呢個問題, 經過我既觀察, 近幾年來香港大部份人氣網路遊戲代理都係由 GC 代理的,
而廣告發佈方面, 都係 GC 代理出廣告出得較多的...
我諗 GC 響廣告費用同購買遊戲代理權方面...都洗左唔少錢吧 ^_^
廣告方面, 我俾 GC 既意見係...正 Game, 唔使咁多廣告, 你要咁多廣告黎做咩?
既然隻 Game 咁正, 我諗玩家既一傳一方法, 好過你咁賣廣告...
至於購買遊戲代理權方面, 我諗 GC 都只係想玩家可以玩多d好既遊戲先會以咁高成本去購買隻 Game 返黎...
而因此佢開支太過高既關係, 所以先咁多樣野商業化...
講真, 如果代理商唔購買多d正game代理權返黎...
又點會有你地呢班玩家去玩?

好了...終於講係咪因為玩家質素太差呢?
近幾年黎, 香港愈黎愈多人擁有個人電腦, 當然, 也會多了一班兒童去玩電腦,
而由於資訊科技發達, 所以而家既兒童接觸既野多左, 學壞左, 而且思想都仲未成熟,
就學人去玩 online game, 咪搞到玩家質素太差囉...
根據部份傳聞, 有d網路遊戲既騙子多數都係遊戲幣專門店去幕後做主腦既,
呢樣野都有咁既可能,
記番起果陣時讀書讀過一篇文章, 叫做也說可恥,
印象最深刻既就係, 作者舉左一個例子出黎,
講中國人去其他地區去旅行, 去果d地方既廁所多數都會有一d中文告示,
叫人去完廁所請沖廁之類, 點解會係咁呢?
唔通因為中國係強國? xD
當然唔係啦...原因就係因為響果個國家既人印象中, 來自中國既旅客好多都沒公德心的,
因此佢地就響呢d地方張貼告示, 勤我地唔好做呢樣咁沒公德心既事,
根據 2000FUN 既一項統計, OMG 係 "我最喜愛的遊戲代理" 既冠軍,
而其他香港代理投票數字都係好低...
反映左香港既代理商質素的確係好差...
我諗香港既遊戲代理商真係要反思下, 點解玩家們對你既印象係咁差啦.

回正題, 現在很多香港人都開始轉玩 OMG,
雖然 GM 態度, 封外掛唔掂, 太商業化等問題可能響短期內唔會影響,
但係咁多香港人轉玩 OMG, 會唔會搞低埋 OMG 既遊戲玩家質素呢?

打到黎呢度, 我已經唔知可以再打咩, 最後給大家幾個問題反思一下...

如果你係遊戲官方人員, 你見到 d 玩家係咁煩住你, 但係你真係無解決方法, 你會點做?
比著你, 你會為左唔會太商業化而唔買人氣網遊既代理權, 而令個代理商一世都唔出名嗎?

我需要抒發既言論就到呢度, 要鬧我就鬧我, 要問候我就問候我,
不過我所講既都係我所觀察得出黎既事實...

[ 本帖最後由 安洛希思 於 2008-10-5 10:48 PM 編輯 ]

小ChUn卍

講得好 雖然無睇哂

virtue

同感+1
不過gc d game大多都明星化(本人極為反感)

kukuru

你的論點不錯，我也想說我的看法(可是寫得不太好的呵> <)
人總會有比較的，因為omg公司的代理確實是好的代理，
gc相較下來比較瞬息，正常來說，人也會想希望得到最好的事，最好的東西，
現在omg和gc也同時代理了luna，那玩家們當然會選自己心目中最好的
反其實不用反，只要去玩自己開心的就足夠了

說回為何gc相較下來比較瞬息吧，雖然外掛這方面是沒有任何問題的，應該說做得不錯﹐可是，官方的透明度還真的有點低...而且...我覺得今次gc這次的禁書一事只是一個導火線吧(還...還是不寫這個，skip)，就是多人期待這個遊戲，希望代理商可以做得好一點，我想單單只有防外掛是不足的，我所希望的是代理可以做到個game有計劃的，不亂的，讓人覺得玩online game是輕鬆的(可能大家有不同的希望)，可是gc代理的這個不能給我這個感覺，玩家的確是有點問題，可是代理也存在不足，有時覺得代理真的太冷漠了，有點不太理會玩家(有一點點覺得..)

看法完了，文章也不是寫得很好(好像太主觀了)，我的質素也不太好，但也不希望各位回以粗言吧 ^ ^;

[ 本帖最後由 kukuru 於 2008-7-18 10:09 PM 編輯 ]

wuyukfaat

好多字,
唔想睇

傻仔§ＭｉｎＧ

奇實GC都好左好多啦--
起碼唔lag先

[ 本帖最後由 傻仔§ＭｉｎＧ 於 2008-7-18 10:22 PM 編輯 ]

銓=]

+1 雖然0mg係反外掛同對玩家方面 真係比香港代理好

但係gc未至於說到那麼差吧

當然你有權選擇你去邊個代理到玩

但係大家始終都係香港人

我覺得都係留番係香港ser比較好

傻仔§ＭｉｎＧ

原帖由 銓=] 於 2008-7-18 10:09 PM 發表
+1 雖然0mg係反外掛同對玩家方面 真係比香港代理好

但係gc未至於說到那麼差吧

當然你有權選擇你去邊個代理到玩

但係大家始終都係香港人

我覺得都係留番係香港ser比較好

點都支持港版^_^""

流風之途人

現在一次過有兩個不同的代理商出現
加上GC近期的所作所謂令人齒冷 （是什麼事自己去ECO版, 隨便點個也會看到一大堆粗言）
所以我想過去玩台版OMG的人應該會比較多

=========勿炮==========
GC想賺得太快了…
才剛開始公測不久就已經改到這樣
=========勿炮==========

kukuru

恩恩，各人有各人對game的看法
總之大家選自己覺得可以享受到game的方法玩便好了
我也只是因為看到有自己喜歡的game而想令它變成最好最好所以才去選玩自己喜歡的代理吧
^ ^;(沒有逗號的一句)
我的發言完畢^ ^

[ 本帖最後由 kukuru 於 2008-7-18 10:28 PM 編輯 ]

銓=]

原帖由 傻仔§ＭｉｎＧ 於 2008-7-18 10:15 PM 發表

點都支持港版^_^""

封測做個朋友

靜流ｖnｒ

香港玩家高要求 官方就可以不理會- -?
可惜GC係面對香港市場既玩家
網絡世界流動性太大 限制太小
滿足唔到市場需要 自然唔會有人揀你
玩家大把選擇

[ 本帖最後由 靜流ｖnｒ 於 2008-7-19 12:49 AM 編輯 ]

zxcvsam9

我未玩伊希歐之前對gc都冇咩野
而家極反感

小可樂

原帖由 zxcvsam9 於 2008-7-19 09:30 AM 發表
我未玩伊希歐之前對gc都冇咩野
而家極反感

講真...伊希歐之夢啲人封測前期待過高...
所以先得到咁多人既反感...世界上既野就係...
啲人愈期待既野, 次次都會出事

而且有啲問題只能歸於日方手上...例如技能少同無咩新手教學等...

[ 本帖最後由 小可樂 於 2008-7-19 09:37 AM 編輯 ]

╭☆小狼。

好多字- -"只係睇左8成 但係講得好好 有同感
唔明點解d人咁無聊發埋d無聊pose(拒hk GC代理戈d)話omg仲好啦 邊到代理好咪去邊到玩囉 洗唔洗搞埋d小動作拒GC 真係無聊又幼稚~

PCL

如果有得簡,一定簡台灣
無計,唔想係頻道見到媽黎媽去

非彤

我支持緊omg嫁喇
之前光冒比佢代理左巳經好吾.............................
l

斷點

點都支持OMG

傻仔§ＭｉｎＧ

原帖由 銓=] 於 2008-7-18 11:26 PM 發表


封測做個朋友

好呀^_^ pm比msn我

s0701002

原帖由 ╭☆小狼。 於 2008-7-19 09:57 AM 發表
好多字- -"只係睇左8成 但係講得好好 有同感
唔明點解d人咁無聊發埋d無聊pose(拒hk GC代理戈d)話omg仲好啦 邊到代理好咪去邊到玩囉 洗唔洗搞埋d小動作拒GC 真係無聊又幼稚~

佢地..冇法啦 d攪屎棍係多

鍾意起gc Luna板狗吠





請注意自己的言論唷@@!!!
這次不扣分處理~~~~~~BY 安洛希思

[ 本帖最後由 安洛希思 於 2008-7-21 05:38 PM 編輯 ]